x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Sinfóníuhljómsveit Íslands

Glæsileg tónleikaferð til Bretlands

 

Sinfóníuhljómsveit Íslands hélt í tónleikaferð til Bretlands í vikunni og er þetta fyrsta tónleikaferðalagið sem hljómsveitin fer í þar í landi. Áður hefur hljómsveitin aðeins haldið eina tónleika í Bretlandi, á Proms-tónlistarhátíð BBC sumarið 2014. Í þetta sinn verða tónleikar hljómsveitarinnar átta talsins og leikur hún í nokkrum fremstu tónleikahúsum Bretlands , m.a. Symphony Hall í Birmingham, Usher Hall í Edinborg og Cadogan Hall í Lundúnum. Fyrstu tónleikar ferðarinnar voru í Royal Concert Hall í Nottingham á laugardagsvköldið en salurinn var hannaður af sömu hljóðhönnuðum og teiknuðu Hörpu.

 

Yan Pascal Tortelier, fyrrum aðalhljómsveitarstjóri Sinfóníuhljómsveitar Íslands, stjórnar en Anna Þorvaldsdóttir, staðartónskáld hljómsveitarinnar, verður einnig með í för og mun taka þátt í kynningu á verkum sínum tónleikastöðum. Þá koma til liðs við hljómsveitina tveir heimskunnir einleikarar sem skiptast á að leika píanókonsert Ravels fyrir vinstri hönd, Jean-Efflam Bavouzet og Yeol Eum Son.

 

The Telegraph valdi tónleika hljómsveitarinnar í ferðinni sem eina af áhugaverðustu tónleikum framundan í  Bretlandi.