x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Sígildir sunnudagar í Hörpu hefja göngu sína á ný nú á sunnudag. Upphafstími raðarinnar er þó breyttur og hefst nú kl. 16:00 en var áður kl. 17:00.

Sígildir sunnudagar eru regnhlífarhugtak yfir klassískar tónleikaraðir og staka viðburði í Norðurljósum, Kaldalóni og opnum rýmum alla sunnudaga vetrarins. Efnt var til raðarinnar til að byggja upp áheyrendahóp sem gengið getur að góðum kammertónleikum í Hörpu hvern sunnudag yfir vetrartímann, og styðja þannig við bakið á skipuleggjendum slíkra tónleika.

Lögð er áhersla á fjölbreytt úrval tónleika með sígildri söng- og hljóðfæratónlist. Meðal þátttakenda í röðinni eru tvö flaggskip íslenskrar tónlistar á klassíska sviðinu, Kammersveit Reykjavíkur og Kammermúsíkklúbburinn, en auk þeirra hafa komið fram Strokkvartettinn Siggi, Kammerhópurinn Elektra, Ljóðasöngsröð Gerrit Schuil, Barokksveitin Brák ásamt fleirum. Hér má sjá dagskrá og listamenn sem koma fram á Sígildum sunnudögum í vetur. 

Innan Sígildra sunnudaga er einnig tónleikaröð ungra tónlistarmanna, Velkomin heim, sem unnin er í samstarfi við FÍT og FÍH. Þar er ungt tónlistarfólk sem nýlokið hefur námi hvatt til dáða með tónleikatækifærum í Hörpu.