x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Samaris

Tónleikar í Blikktrommunni

Samaris - Góða tungl

Samaris heldur tónleika í Kaldalóni 5. apríl klukkan 20:00 og eru þeir liður í tónleikaröðinni Blikktromman.

Samaris sameinar ólíka tónlistarheima með rafpoppi Þórs Kára, klarinettleik Áslaugar Rúnar og undraverðum, öruggum og hljómþýðum söng Jófríðar Ákadóttur.

Hljómsveitin vann öruggan sigur Músíktilrauna árið 2011 fyrir þroskaðan hljóm sem er dulúðlegur og framandi en jafnframt persónulegur. Síðustu ár hafa þau spilað úti um allan heim og segja þau ferðalögin hafa aukið skilning sinn á sambandi sínu við tónlist og hvert annað. Á annarri plötu sinni, Black Lights, spila þau úr ævintýrum síðustu ára en platan sú var valin plata ársins á íslensku tónlistarverðlaununum 2016 auk þess sem Jófríður var valin söngkona ársins.

Tónleikaröðin Blikktromman er á sínu öðru starfsári. Áhersla er lögð á að bjóða upp á tónleika með nokkrum af okkar fremstu tónlistarmönnum í því nána og gæðaumhverfi sem Kaldalón salur í Hörpu býður uppá. Eftir tónleikana gefst gestum kostur á að sitjast niður með drykk og útsýni yfir smábátahöfnina, með góða tónlist í bakgrunninn. Ekkert vesen, bara gæði.

Meðal listamanna sem komið hafa fram á Blikktrommunni eru; Sóley, Högni Egilsson, Valdimar & Örn Eldjárn, Mr. Silla, Sin Fang, Úlfur Eldjárn, Tina Dickow & Helgi Hrafn Jónsson og Benni Hemm hemm, Snorri Helgason, Úlfur úlfur, President Bongo & The Emotional Carpenters, Soffía Björg & Teitur Magnússon.

Hægt er að nálgast miða hér

(Mynd eftir Magnus Andersen fyrir Grapevine)