x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Reykjavík Midsummer Music 2017

22.-25. júní 2017

Tónlistarhátíðin Reykjavík Midsummer Music hófst í gær. Uppselt var á opnunartónleika hátíðarinnar. Enn er hægt að tryggja sér miða á aðra tónleika sem fara fram dagana 23. – 25. júní.

Reykjavík Midsummer Music er margverðlaunuð tónlistarhátíð Víkings Heiðars Ólafssonar í Hörpu. Hún er nú haldin í sjötta sinn og hefur fyrir löngu hefur fest sig í sessi sem einn af hápunktum tónleikaársins þar sem allt kemur saman, úthugsað verkefnaval, listrænn metnaður, skemmtilegt andrúmsloft og ærslafull spilagleði. Í ár státar tónlistarhátíðin af sumum af mest spennandi tónlistarmönnum klassíska heimsins, en þema hátíðarinnar í ár er frelsi.

Í ár státar tónlistarhátíðin af sumum af mest spennandi tónlistarmönnum klassíska heimsins. Fiðluvirtúósarnir Vilde Frang og Sayaka Shoji verða meðal gesta, en sú síðarnefnda er fastagestum hátíðarinnar af góðu kunn. Þá er von á einum dáðasta víóluleikara heims, Maxim Rysanov og tveimur fremstu sellóleikurum sinnar kynslóðar, Nicolas Altstaedt og István Várdai, auk norska víólumeistarans Lars Anders Tomters, margverðlaunaða hollenska fiðluleikarans Rosanne Philippens og ótrúlega fjölhæfa franska píanóleikarans Juliens Quentins. Öll taka þau þátt í fjölbreyttri tónleikadagskrá ásamt Víkingi Heiðari Ólafssyni píanóleikara sem einnig er listrænn stjórnandi.

Markmið Reykjavík Midsummer Music er að tefla saman sumum af bestu hljóðfæraleikurum heims í Hörpu og bjóða áheyrendum upp á tónlist frá ýmsum tímum á björtustu kvöldum ársins. Á hverju ári hverfist dagskrá hátíðarinnar um ákveðið þema sem litar alla tónleikana. Markmiðið er að leiða í ljós óvænt samhengi í tónlistarsögunni, kveikja forvitni áheyrenda og stefna saman tónlist frá ólíkum tímum svo úr verði spennandi listræn heild.

„Kammermúsík á heimsmælikvarða“ — Víðsjá
„Absolutely unmissable“ —Reykjavík Grapevine
„Einn af hápunktum tónlistarársins“ — Fréttatíminn
„Emotionally and intellectually stimulating“ — Concerti Magazine
„Hástemmd fegurð, ekki af þessum heimi“ — Fréttablaðið

Hér fyrir neðan er hægt að kaupa stakan miða á tónleika hátíðarinnar:

Reykjavík Midsummer Music 2017 – Mozart, Pärt, Stravinsky

Reykjavík Midsummer Music 2017 – Ímyndað landslag

Reykjavík Midsummer Music 2017 – Ecstasy

Reykjavík Midsummer Music 2017 – Fantasíur frá nýju og gömlu Vín

Reykjavík Midsummer Music 2017 – Frjálsar hendur

Hægt er að kaupa hátíðarpassa hér.