x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Opnunartónleikar Listahátíðar

Opnunartónleikar Listahátíðar verða loks að veruleika

Tónleikum Víkings Heiðars Ólafssonar hefur verið fundin ný dagsetning og verða nú í Eldborg dagana 9., 10. og 11. október næstkomandi. Leikið verður án hlés svo gestum á mismunandi sóttvarnarsvæðum sé ekki stefnt saman á neinum tímapunkti.

Víkingur Heiðar Ólafsson hlaut í vikunni hin virtu þýsku tónlistarverðlaun; Opus Klassik sem píanóleikari ársins, annað árið í röð. Að þessu sinni var hann verðlaunaður fyrir upptöku sína á verkum frönsku tónskáldanna Debussy og Rameau sem hefur hvarvetna hlotið einróma lof. Víkingur mun flytja þessa sömu efnisskrá á langþráðum opnunartónleikum Listahátíðar í Reykjavík. 

Til þess að bæta tónleikagestum upp biðina verður boðið upp á samhliða beina útsendingu á Facebook-síðum Listahátíðar í Reykjavík og Hörpu þar sem Víkingur mun leika valin verk af efnisskránni á heimili sínu og spjalla við tónleikagesti heima í stofu. Viðburðurinn hefst kl. 17 á sunnudaginn 6. september næstkomandi.