x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Nýtt starfsár Sinfóníuhljómsveitar Íslands

Sinfóníuhljómsveit Íslands heldur nú inn í nýtt starfsár á miklum óvissutímum og hefur aðlagað dagskrá sína í september að þessum óvenjulegu aðstæðum. Starfsárið hefst á Klassíkinni okkar föstudaginn 4. september, glæsilegum tónleikum sem sendir verða út til landsmanna allra í beinni sjónvarpsútsendingu á RÚV og útvarpað á Rás 1. Hljómsveitin fylgir þeim tónleikum eftir með þrennum sjónvarpstónleikum í september það sem allir ættu að finna eitthvað við sitt hæfi. Hljómsveitin mun að sjálfsögðu fara í einu og öllu eftir leiðbeiningum sóttvarnaryfirvalda í starfi sínu.

 

Nýtt starfsár kynnt til leiks
Nýtt og spennandi starfsár 2020/21 hefur verið kynnt til leiks hér á vef Hörpu og vef hljómsveitarinnar, www.sinfonia.is. Þar finnur þú allar upplýsingar um fyrirhugaða dagskrá vetrarins, einleikara, listamenn, stjórnendur og auðvitað verkin sjálf. Dagskráin er að sjálfsögu kynnt með fyrirvara um breytingar eftir því hvernig gengur að ná tökum á faraldrinum.

Meðal hápunkta starfsársins eru flutningur á sinfóníu nr. 5 eftir Gustav Mahler undir stjórn nýs aðalhjómsveitarstjóra hljómsveitarinnar Evu Ollikainen, spennandi efnisskrá með tónlist frá Spáni og Rómönsku Ameríku, Valkyrja Wagners og Harry Potter-tónleikar þar sem kvikmyndin verður sýnd með lifandi meðleik hljómsveitarinnar. Meðal einleikara eru Emanuel Ax, Benjamin Grosvenor og Sigrún Eðvaldsdóttir, sem öll flytja konserta eftir Beethoven. Pierre-Laurent Aimard og Tamara Stefanovich leika píanókonserta Bartóks og sönghópurinn frægi The King’s Singers flytur hátíðlega tónlist á aðventutónleikum hljómsveitarinnar.

 

Áskrifendur halda sínum sætum
Vegna samkomutakmarkana er ekki hægt að lofa áskrifendum sömu föstu sætum í vetur, en þau verða frátekin þar til samkomutakmörkunum hefur verið aflétt.

 

Fyrirkomulag korta- og miðasölu verður kynnt nánar þegar afléttingar takmarkana fara að skýrast og við getum boðið gestum í salinn. Þú getur fylgst með hér á vefnum og skráðu þig fyrir fréttabréfi Sinfóníuhljómsveitarinnar til að fá nýjustu fréttirnar í tölvupósti.

 

Sinfóníuhljómsveit Íslands þakkar ykkur fyrir að sýna þessu skilning og hlakkar til að sjá þig aftur í Hörpu.