x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Ný hjólaljós og hjólastígur við Hörpu

Hefur áhrif á tónleika- og ráðstefnugesti sem koma akandi

Umferðarljós fyrir hjólandi umferð hafa verið sett upp á gatnamótum við Hörpu og tengjast þau hjólastíg meðfram Sæbrautinni og þvera Faxagötu. Jafnframt voru gerðar breytingar á stýringu akandi umferðar um gatnamót Sæbrautar/Kalkofnsvegar og Faxagötu.

Til að bæta umferðaröryggi er bílaumferð sem kemur um Sæbraut að Hörpu núna stýrt með umferðarljósunum en var áður beint á sérstaka beygjuafrein sem hleypti umferð framhjá ljósunum. Þegar bílaumferð á Sæbraut fær grænt ljós, blikkar gult viðvörunarljós samtímis og grænt ljós logar fyrir umferð hjólandi. Þannig er athygli ökumanna vakin á að þeir megi eiga von á hjólandi vegfarendum og um leið hvattir til að sýna varkárni. Fyrirkomulag má sjá á skýringarmynd hér fyrir neðan:

Þegar hjólandi umferð fær rautt ljós og grænt ljós logar fyrir bílaumferð á Sæbraut, verður stefnuörin inn Faxagötu einnig græn. Sjá á skýringarmynd hér fyrir neðan:

 

Mögulega hægari umferð fyrir tónleika í Hörpu

Á annatímum eins og fyrir tónleika í Hörpu er mögulegt að bílaröð geti myndast við ljósin austur Sæbraut. Tónleikagestir, sem í gegnum árin hafa fengið forgang framhjá ljósunum gætu fundið fyrir þessu. Þeir eru því eindregið hvattir til að vera tímanlega á ferðinni.

 

Hér má sjá myndband sem Reykjavíkurborg lét gera og útskýrir breytinguna:

Hjólaljós og hjólastígur við Hörpu

Umferðarljós fyrir hjólandi umferð á gatnamótunum við Hörpu hafa verið virkjuð og eru þau hluti af nýjum hjólastíg meðfram Sæbrautinni. Tónleikagestir sem koma akandi Sæbrautina og taka hægri beygju í bílakjallara Hörpu ættu að mæta tímanlega á næstu tónleika, því það gæti myndast bílaröð meðan allir eru að venjast þessu nýja fyrirkomulagi. Sjá frétt á vef Reykjavíkurborgar > https://reykjavik.is/frettir/hjolaljos-og-hjolastigur-vid-horpu

Posted by Reykjavíkurborg on Miðvikudagur, 28. ágúst 2019

 

Allar nánari upplýsingar veitir Reykjavíkurborg og hér fyrir neðan má finna hlekk á frétt borgarinnar:

https://reykjavik.is/frettir/hjolaljos-og-hjolastigur-vid-horpu