x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

Múlinn snýr aftur

Spennandi starfsár framundan

Einn af föstu notendum Hörpu er Múlinn Jazzklúbbur. Stofnár Múlans var haustið 1997 en fyrstu tónleikarnir fóru fram í ársbyrjun 1998. Í dag á klúbburinn aðsetur í Hörpu og er með vikulega tónleika í einum skemmtilegasta tónleikasal landsins, Björtuloftum. Salurinn er á 6 hæð í Hörpu með útsýni yfir haf og borg. Tónleikadagskrá Múlans sem er að öllu jöfnu bæði metnaðarfull og fjölbreytt er gott dæmi um þá miklu grósku sem einkennir íslenskt jazzlíf þar sem allir straumar og stefnur eiga heima. Múlinn er samstarfsverkefni Félags Íslenskra Hljómlistarmanna (FÍH) og Jazzvakningar. Klúbburinn heitir í höfuðið á Jóni Múla Árnasyni sem jafnframt var heiðursfélagi og verndari Múlans.

Fyrstu tónleikar haustsins eftir stutt sumarfrí eru á miðvikudag kl 21:00. Þar kemur fram Tríó Agnars Más Magnússonar. Leikin verður ný og eldri frumsamin verk eftir Agnar, meðal annars af nýútkomnum geisladiski sem nefnist Svif sem hlotið hefur lofsamlega dóma.  Meðlimir tríósins auk Angars eru Scott McLemore trommuleikari og Valdimar Kolbeinn Sigurjónsson bassaleikari. Svif er fyrsti trio diskur Agnars í 7 ár en síðast kom út Kvika árið 2009. Áður hafa komið út 01 og Láð, en einnig hefur Agnar gefið frá sér Hyl sem er einleiksspunaverk.

Hægt er að kaupa miða á tónleikana með því að smella hér.

mulinn