x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Klassíkin okkar í beinni í kvöld

Landsmenn hafa valið

Tónleikarnir „Klassíkin okkar“ sem Sinfóníuhljómsveit Íslands og RÚV hafa staðið fyrir undanfarin tvö ár hafa vakið fádæma hrifningu meðal landsmanna. Í tilefni þess að 100 ár eru liðin frá því að Ísland varð fullveldi er leikurinn endurtekinn með áherslu á íslenska tónlist 20. og 21. aldar. Efnt var til netkosningar í vor þar sem allir landsmenn gátu valið eftirlætis íslensku verkin sín. Kosningu lauk 17. júní síðastliðinn og þá lá fyrir hvaða verk höfðu fengið flest atkvæði. Hlutskarpast varð Heyr, himna smiður eftir Þorkel Sigurbjörnsson við sálm Kolbeins Tumasonar, en í öðru sæti varð hljómsveitarverkið Eldur eftir Jórunni Viðar.

Á „kjörseðlinum“ voru 40 verk og var þeim skipt í nokkra flokka, einsöngs- og kórlög, hljómsveitarverk og konsertar. Einnig gátu þátttakendur bætt við eftirlætis verkum að eigin vali þegar atkvæði var greitt. Það verk sem hlaut flest atkvæði í þessum reit kosningarinnar var Intermezzo úr Dimmalimm eftir Atla Heimi Sveinsson, sem vitaskuld hljómar einnig á tónleikunum. Efnisskráin er einkar fjölbreytt og hefur að geyma ótal gullmola íslenskrar tónlistar sem spanna ríflega heila öld, allt frá Draumalandi Sigfúsar Einarssonar frá árinu 1904 til Bow to String eftir Daníel Bjarnason frá árinu 2010. Íslensk tónskáld hafa svo sannarlega verið iðin við að færa okkur dásamlega tónlist og á tónleikunum fáum við að njóta afrakstursins.