x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Hátíð hafsins er haldin nú um helgina, 4. og 5. júní en þá verður ýmislegt á boðstólnum í Hörpu. Bátastrætó mun ganga milli Hörpu og Granda líkt og í fyrra og er þá tilvalið fyrir gesti að leggja í bílakjallara Hörpu og sækja hátíðahöldin þaðan.

Reynir Jónasson stendur fyrir harmonikkuhádegi við Smurstöðina og tríóið Harmóníur flytja lög frá síldarárunum. Hin árlega skrúðganga frá Hörpu út að Granda verður leidd af skátunum við undirleik Skólahljómsveitar Austurbæjar. Síðastliðin ár hafa Skoppa og Skrítla veitt Maxímús félagskap á göngunni en í ár mun Píla Pína músastelpa leiða músavin sinn meðfram höfninni. Áður en gangan heldur af stað mun Píla Pína syngja lög við ljóð eftir Kristján frá Djúpalæk. Maxímús Músíkús hefur eignast nýtt hátíðarleikfang og mun gefa börnunum Hörpurellur. Origami Ísland kennir fígúrubrot á fallegan Hörpupappír og Jón Víðis sýnir töfrabrögð.

Að kveldi Sjómannadagsins verður helgin römmuð inn með balli í Hörpu en Hljóðfæraleikarar úr félagi harmonikkuunnenda í Reykjavík leika fyrir dansi. Dagskráin er opin öllum börnum jafnt sem fullorðnum. Nánari dagskrá er að finna á harpa.is/sea