x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Græn skref tekin

Harpa setur markmið í loftlagsmálum

Í nóvember 2015 undirritaði Halldór Guðmundsson, forstjóri Hörpu yfirlýsingu Festu og Reykjavíkurborgar í loftlagsmálum fyrir hönd Hörpu tónlistar- og ráðstefnuhúss. Forstjórar 103 fyrirtækja og stofnana á Íslandi undirrituðu einnig fyrrnefnda yfirlýsingu og vakti mikil þátttaka hérlendis athygli á alþjóðlegum vettvangi. Yfirlýsingin felur í sér að draga úr losun gróðurhúsalofttegunda og að minnka myndun úrgangs en yfirlýsingin var kynnt á Parísarráðstefnunni um loftlagsmál í desember 2015. Fyrsta skref verkefnisins er að fyrirtæki setja fram stöðu sína og markmið í loftlagsmálum fyrir 30. júní 2016. Langtíma- og skammtímamarkmið Hörpu eru sem hér segir.

Markmið fyrir árið 2030

Hlutfall endurvinnanlegs úrgangs verði 75%.
Hlutdeild vistvænni ferðamáta til og frá vinnu verði 30%.
Kolefnisjafna alla losun gróðurhúsalofttegunda sem ekki er hægt að koma í veg fyrir.

Markmið fyrir árið 2016 – 2017

Hlutfall endurvinnanlegs úrgangs verði 30%.
Hlutdeild vistvænni ferðamáta til og frá vinnu verði 20%.
Kolefnisjafna alla losun gróðurhúsalofttegunda sem ekki er hægt að koma í veg fyrir.