x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Harpa lýst græn

Leiðandi menningarstofnanir taka höndum saman

HARPA LÝST GRÆN

Leiðandi menningarstofnanir taka höndum saman, í þágu vonar og virðingar í miðjum heimsfaraldri.

Fjögur viðburða-, ráðstefnu- og menningarhús á norðurhveli jarðar verða lýst græn, lit vonarinnar, í virðingarskyni við þá sem berjast við sjúkdóminn Covid-19 og til að minna okkur á bjartari tíma framundan.

Leiðandi menningarstofnanir í þremur löndum, Íslandi, Finnlandi og Eistlandi, hafa ákveðið að taka höndum saman til að vekja fólki von í brjósti og sýna veikum virðingu og stuðning á þessum erfiðu tímum.

Menningarstofnanirnar verða lýstar upp í grænum lit á hverju kvöldi frá 9. apríl til fram yfir páska.   Þessi herferð er lögð upp með það að markmiði að styðja við þá sem upplifa erfiða tíma núna: heilbrigðisstarfsfólk, sjálfboðaliða, foreldra, fólk sem er einmanna eða veikt, aldraða og fólk í sóttkví, listamenn og alla aðra sem upplifa nú að lífsviðurværi þeirra sé ógnað.

Þessar menningarstofnanir hvetja einnig aðra sem starfa við listir og menningu til að slást í för og taka þátt í herferðinniStofnanirnar vilja undirstrika mikilvægi alþjóðlegrar samvinnu, jafnvel þótt veraldlegum landamærum hafi verið lokað.

,,Jafnvel þó samkomubann hindri okkur í því að eiga stund saman í návígi við aðra, þá er mikilvægt að við reynum ekki að berjast við þetta ástand ein. Ég er þakklát fyrir stuðning og hjálp erlendra vina okkar í menningar- og viðburðaheiminum, og fyrir að deila sinni skapandi hugsun svo rausnarlega. Við bjóðum öllum sem starfa við menningu, viðburði og ráðstefnur að koma með okkur í þessa herferð; nú er mikilvægara en nokkru sinni áður að yfirstíga landamæri og efla hið alþjóðlega sjónarhorn með tilheyrandi lærdómi og stuðningi,“ segir Paulina Ahokas, forstjóri Tampere Hall í Finnlandi.

Aivar Mäe, framkvæmdarstjóri Eistnesku Óperunnar og Balletsins segir einnig: ,,Með þessu viljum við færa von og birtu í hjörtu fólks. Við viljum einnig senda þau skilaboð út til fólks að þegar þessari krísu lýkur þá munum við í menningarheiminum taka fagnandi á móti gestum opnum örmum.“

,,Þau okkar sem starfa við menningu og listir finnum til mikillar ábyrgðar gagnvart því að halda áfram að miðla jákvæðni, vongleði og fegurð og í tilfelli Hörpu, dásamlegri tónlist.  Við sjáum nú svo skýrt mikilvægi skapandi greina – sérstaklega á þessum tímum þegar ógnun á heimsvísu snertir alla jarðarbúa. En þetta ástand mun taka enda og þá munum við safnast aftur saman  í menningarhúsunum okkar til að fagna mennskunni og því að hafa risið upp úr þessu með því að standa saman,” segir Svanhildur Konráðsdóttir, forstjóri Hörpu.

Kristiina Alliksaar, leikhússtjóri Vanemuine í Eistlandi útskýrir hina sameiginlegu ákvörðun um val á grænum lit: ,,Grænt táknar von og sátt, og það er það sem við vonum að fylli hug og hjörtu allra, hvar sem fólk er statt eða í hvaða aðstæðum sem það er. Á sumum stöðum í heiminum táknar grænn litur einnig breytingu. Þetta ástand hefur nú þegar kallað fram mikla sköpun. Við erum viss um að þessum nýju áskorunum og þörfinni á nýsköpun í samfélagi okkar verður mætt af listum og menningu.“

Eftirtaldar byggingar verða lýstar upp grænar á hverju kvöldi frá 9. Apríl: Harpa, Tampere höllin og Tampere óperan í Finnlandi, Óperu og balletthúsið í Eistlandi, og leikhúsið Vanemuine í Eistlandi.