x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Halldór Guðmundsson

Lætur af störfum sem forstjóri Hörpu

Halldór Guðmundsson

Halldór Guðmundsson lætur af störfum sem forstjóri Hörpu þann 1. mars næstkomandi og mun um leið taka við nýrri stöðu erlendis. Halldór var ráðinn forstjóri Hörpu í maí 2012, ári eftir að húsið var opnað. Mjög margt hefur áunnist í starfsemi hússins á þeim tíma og gestum Hörpu hefur fjölgað jafnt og þétt. Stefnir í að þeir verði hátt í tvær milljónir á árinu 2016 og viðburðir vel á annað þúsund.

Halldór hefur verið ráðinn af norsku bókmenntamiðstöðinni Norla til að stjórna þátttöku Noregs sem verður heiðursgestur bókasýningarinnar í Frankfurt árið 2019, en hann stýrði þátttöku Íslands á sömu bókasýningu árið 2011 þegar íslenskar bókmenntir voru í öndvegi.

Halldór segir að mikil eftirsjá sé fyrir hann að Hörpu og því frábæra starfsfólki sem þar vinnur, en um leið sé honum mikill heiður sýndur með því að vera boðið að annast svo mikilvægt bókmenntakynningarverkefni fyrir annað land, og bókmenntir og bókaútgáfa séu það svið sem hann hefur helgað mestan hluta starfsævi sinnar.

Stjórn Hörpu þakkar Halldóri fyrir gott og óeigingjarnt starf í þágu hússins og óskar honum alls hins besta á nýjum vettvangi. Starf forstjóra Hörpu verður auglýst á nýju ári.