x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

7.mars, 2021

 

Í kjölfar samskipta og samráðs við smitrakningarteymi Almannavarna og stóttvarnarlæknis þá er fyrirhugað að hefja skimun á mánudag meðal allra þeirra sem sóttu tónleika í Hörpu þann 5. mars síðastliðinn sem hófust kl 20.

 

Um leið og smit var rakið til gests sem var á tónleikum í Eldborg síðastliðið föstudagskvöld þá gekk hratt fyrir sig að kortleggja alla sem sátu í námunda við viðkomandi og rekja mögulega smithættu. Enda allir gestir í númeruðum sætum.

 

Það var mat rakningarteymis almannavarna að strangar sóttvarnarreglur og ábyrg framkvæmd viðburða í Hörpu geri það að verkum að einungis 10 einstaklingar sem sátu næst einstaklinginum þurftu að fara í sóttkví.  Sem varúðarráðstöfun er verið nú að biðla til allra gesta á tónleikunum um að koma í skimun á mánudag.

 

Ráðstafanir Hörpu varðandi ábyrgt viðburðahald á tímum covid eru margþættar. Þeirra á meðal eru vel skilgreind sóttvarnarhólf með aðskildum inngöngum og snyrtingum, stjórn á flæði fólks eins og við verður komið, allir gestir eru skráðir á kennitölu og símanúmer í númeruð sæti, skilyrðislaus grímunotkun, markviss upplýsingamiðlun til gesta, góð loftræsting, snertifletir eru sótthreinsaðir á milli viðburða og almenn þrif aukin. Persónubundnar sóttvarnir sem hver og einn ber ábyrgð eru svo lykilinn að því að hægt er að halda mikilvæga menningarviðburði þrátt fyrir að enn greinist stök tilfelli af covid-19 í samfélaginu.

 

Þetta tilfelli sýnir mikilvægi þess að allir fylgi vel sóttvarnarreglum og stuðli þannig að ábyrgu viðburðahaldi. Eftir samráð við almannavarnir er ekki talin ástæða til að breyta neinu ekki hafa áhrif á viðburði sem eru framundan í Hörpu.

 

Leiðbeiningar frá almannavörnum og sóttvarnarlækni eru eftirfarandi:

Á morgun, mánudag 8. mars, er fyrirhuguð skimun á öllum tónleikagestum. Þeir sem ætla að mæta í skimun í tengslum við tónleikana verða að bóka tíma í gegnum Mínar síður á Heilsuvera.is og velja þar „Tónleikagestur í Hörpu 5. Mars 2021.“ Þeir sem skrá sig fá sent strikamerki og tímasetningu fyrir skimun. Allir tónleikagestir eru eindregið hvattir til að mæta í skimun og jafnframt að huga vel að persónulegum smitvörnum og að takmarka samskipti við aðra þangað til að niðurstaða úr skimun liggur fyrir.