x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Emilía Rós

spilar með Sinfóníuhljómsveit Íslands

Rhapsodie espagnole er eitt af fyrstu glæsiverkum Ravels fyrir stóra hljómsveit og efniviðinn sækir hann sem oftar til Spánar enda Baski í móðurætt. Snilldarverkin Tzigane og Bolero eru dæmi um tónsmíðar Ravels af sama meiði.

Jacques Ibert vann ungur hin eftirsóttu verðlaun Prix de Rome og var afkastamikið tónskáld og listfrömuður. Í dag er flautukonsertinn vafalaust þekktasta verk hans.

Emilía Rós Sigfúsdóttir er glæsilegur fulltrúi yngri kynslóðarinnar í íslenskum flautuheimi og nýlega fékk hún frábæra dóma í hinu virta tónlistartímariti Gramophone fyrir geisladisk sinn Protrait sem kom út á liðnu ári.

Um konsert Iberts segir hún: „Ég kynntist konsertinum fyrst 11 ára gömul og var þá strax staðráðin í að ná tökum á þessum glæsilega flautukonserti sem hefur fylgt mér allar götur síðan þá. Ég eignaðist nóturnar fljótlega eftir það og æfði konsertinn fram og til baka í nokkur ár. Á endanum hlotnaðist mér sá heiður að fá að flytja hann með Sinfóníuhljómsveit Trinity-tónlistarskólans í London í einleikarakeppni skólans árið 2004.“

Dvořák samdi 8. sinfóníuna á sveitasetri sínu í Bæheimi. Sinfónían er afar ljóðræn og sækir tónskáldið drjúgan hluta efniviðarins í bæheimskan þjóðlagaarf.

Antonio Méndez vakti nýlega alþjóðaathygli þegar hann vann 2. verðlaun í hinni virtu Nikolai Malko-keppni ungra hljómsveitarstjóra í Kaupmannahöfn þar sem Lorin Maazel var formaður dómnefndar.