x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Bryndís Guðjónsdóttir hlýtur styrk úr söngmenntasjóði

Söngmenntasjóður Marinós Péturssonar úthlutaði í gær árlegum styrk til framhaldsnáms í söng erlendis í Austurhlið Hörpu og hlaut styrkinn, eina milljón króna, Bryndís Guðjónsdóttir sópran. Marínó Pétursson var um árabil stórkaupmaður í Reykjavík. Árið 1978 hætti hann fyrirtækjarekstri og flutti til æskustöðva sinna á Bakkafirði þar sem hann gerði út trillu síðustu tólf ár ævinnar. Marínó var mikill tónlistarunnandi, lék sjálfur á píanó og síðustu árin veitti hann börnum á Bakkafirði leiðsögn í tónlist.

Bryndís Guðjónsdóttir er 24 ára og hóf píanónám í Tónlistarskólanum í Kópavogi en skipti yfir í söng nokkrum árum seinna. Hún hefur bæði lært við Listaháskóla Íslands og Mozarteum í Salzburg. Bryndís var ein af fjórum tónlistarmönnum sem voru hlutskarpastir í keppni ungra einleikara árið 2018 sem Sinfóníuhljómsveit Íslands stendur fyrir í samvinnu við Listaháskóla Íslands.