x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

 

Hin árlega Bókamessa í Bókmenntaborg verður haldin í Hörpu helgina 24. – 25. nóvember. Þar geta gestir baðað sig í bókaflóði ársins, hitt höfunda og útgefendur, hlustað á upplestur og létt spjall um alls konar bækur, farið í ratleik, spáð í stjörnur, séð hljóðbækur verða til, notið ljóðastunda og skrafað um jólabækurnar við aðra lesendur, svo sitthvað sé nefnt. Hvergi gefst betra tækifæri til að kynnast bókaútgáfu ársins á einu bretti og margir útgefendur selja bækur sínar á sérstöku messuverði.

Bókamessan verður opin frá kl. 11 – 17 bæði laugardag og sunnudag. Á sýningarsvæðinu verða höfundar og útgefendur og margt um að vera á kynningarbásunum allan daginn, sumir verða með bókasmakk, höfundar veita áritanir og útgefendur veita góð ráð fyrir þá sem eru að leita að bókum til gjafa eða kannski á sinn eigin óskalista. Að auki verður bókmenntadagskrá á afmörkuðum svæðum.

Sjá dagskrána á vef Bókmenntaborgarinnar: https://bokmenntaborgin.is/bokmenntalif/bokamessa