x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Beint streymi

Frá tónleikum Sinfóníuhljómsveitar Íslands í Hörpu

Beint streymi frá tónleikum Sinfóníuhljómsveitar Íslands í Hörpu

    – Vladimir Ashkenazy og Nobuyuki Tsujii

Uppselt er á tónleika Sinfóníuhljómsveitar Íslands í kvöld en tónleikarnir verða teknir upp í mynd og sendir út beint á vef hljómsveitarinnar sinfonia.is.  Á tónleikunum, sem hefjast kl.19:30, hljómar Jökulljóð eftir Þorkel Sigurbjörnsson og Sinfónía nr.2 eftir Jean Sibelius. Einnig leikur japanski píanistinn Nobuyuki Tsujii hinn undurfagra Píanókonsert nr. 2 eftir Rakhmanínov. Hljómsveitarstjóri er Vladimir Ashkenazy, aðalheiðursstjórnandi Sinfóníuhljómsveitar Íslands.

Í lok október heldur Sinfóníuhljómsveit Íslands í tónleikaferð til Japans með Vladimir Ashkenazy og Nobuyuki Tsujii. Haldnir verða tólf tónleikar og leikið í flestum helstu borgum Japans, m.a. í Tókýó, Kyoto, Sapporo og Hamamatsu. Tónleikarnir fara fram í glæsilegum tónleikahöllum, en í Japan eru fjölmargar slíkar, meðal annars í Kawasaki Symphony Hall, Hamamatsu Concert Hall og Tokyo Opera City Concert Hall.
Nær uppselt er á alla tónleika hljómsveitarinnar í Japan.