Beint streymi frá 70 ára afmælistónleikum Sinfóníuhljómsveitar Íslands

Beint streymi frá 70 ára afmælistónleikum Sinfóníuhljómsveitar Íslands

Mahler og Sibelius í Eldborg fimmtudaginn 5. mars kl. 19:30

Afmælistónleikar Sinfóníuhljómsveitar Íslands fimmtudaginn 5. mars verða teknir upp í mynd og streymt í beinni útsendingu á vef hljómsveitarinnar, www.sinfonia.is.

 

Á efnisskránni er fiðlukonsert eftir Jean Sibelius og sinfónía nr. 1 eftir Gustav Mahler, ásamt sjaldheyrðu verki eftir Pál Ísólfsson. Einleikari er Augustin Hadelich og um tónsprotann heldur Eva Ollikainen verðandi aðalhljómsveitarstjóri Sinfóníuhljómsveitar Íslands.

 

Á fyrstu hæð Hörpu stendur yfir ljósmyndasýning úr 70 ára sögu Sinfóníuhljómsveitar Íslands í tilefni af afmæli hljómsveitarinnar.