x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Aðventutónleikar Sinfóníunnar á RÚV

Hátíðlegir aðventutónleikar í beinni sjónvarpsútsendingu á RÚV

Sinfóníuhljómsveit Íslands býður upp á hátíðlega aðventutónleika í beinni sjónvarpsútsendingu á RÚV fimmtudaginn 10. desember. Á tónleikunum flytur hljómsveitin fjörugan konsert fyrir tvær fiðlur eftir Vivaldi, hátíðlegar óperuaríur eftir Händel og sinfóníu nr. 25 eftir Mozart.

Sópransöngkonan Álfheiður Erla Guðmundsdóttir þreytir nú frumraun sína með hljómsveitinn, en hún hefur vakið feykilega athygli undanfarin ár fyrir glæsilegan og fágaðan söng. Álfheiður er þegar farin að hasla sér völl á óperusviðinu, hefur m.a. sungið í Staatsoper Berlín og við óperuhúsið í Basel, þar sem hún hlaut einróma lof gagnrýnenda. Hjónin Vera Panitch og Páll Palomares leika bæði í Sinfóníuhljómsveit Íslands og eru meðal fremstu fiðluleikara landsins. Páll lék eftirminnilegan einleik á tónleikunum Klassíkin okkar í september og Vera vann til verðlauna í kammertónlistarkeppni Danska útvarpsins nú fyrir skemmstu.

Hljómsveitarstjóri er Daníel Bjarnason, sem er löngu orðinn landskunnur fyrir tónsmíðar sínar og hljómsveitarstjórn og hlaut nýverið ásamt Sinfóníuhljómsveit Íslands tilnefningu til hinna virtu Grammy-verðlauna.

Í ljósi núgildandi samkomutakmarkana verður ekki hægt að bjóða gestum í sal en tónleikarnir verða í beinni sjónvarpsútsendingu á RÚV ásamt því að þeim verður útvarpað í beinni á Rás 1.

EFNISSKRÁ

Antonio Vivaldi Konsert fyrir tvær fiðlur í a-moll
Georg Friedrich Händel Let the Bright Seraphim
Georg Friedrich Händel Lascia ch’io pianga
Wolfgang Amadeus Mozart Al destin che la minaccia
Wolfgang Amadeus Mozart Sinfónía nr. 25

HLJÓMSVEITARSTJÓRI

Daníel Bjarnason

 EINSÖNGVARI

Álfheiður Erla Guðmundsdóttir

FIÐLUDÚÓ

Páll Palomares og
Vera Panitch