x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

5 ár frá opnunartónleikum

Sinfóníuhljómsveit Íslands

Í dag eru 5 ár frá opnunartónleikum Hörpu sem fóru fram 4. maí 2011. Þá var gestum hleypt í fyrsta skipti inn í Eldborgarsal Hörpu á tónleika Sinfóníuhljómsveit Íslands. Hljómsveitin flutti glæsilega og fjölbreytta efnisskrá á opnunartónleikunum þar sem leikið var nýtt verk eftir Þorkel Sigurbjörnsson sem samið var fyrir tilefnið; Víkingur Heiðar Ólafsson lék einleik í píanókonsert Edvards Grieg og að lokum flutti hljómsveitin 9. sinfóníu Beethovens. Einsöngvarar voru Christiane Oelze, Sesselja Kristjánsdóttir, Kolbeinn Jón Ketilsson og Bjarni Thor Kristinsson en að auki tók Óperukórinn í Reykjavík ásamt Kór Áskirkju og Hljómeyki þátt í þessum viðamikla flutningi.

Vladimir Ashkenazy heiðursstjórnandi Sinfóníuhljómsveitar Íslands stjórnaði hljómsveitinni.

Fjöldi starfsmanna kom að þessum opnunartónleikum sem gleyma deginum seint. Á tónleikadegi tóku allir sig saman að gera framhúsið eins flott og hægt var til þess að taka á móti fullum Eldborgarsal í fyrsta skipti.

Harpa fagnar formlega fimm ára afmæli á Menningarnótt 2016, þegar ljósahjúpur Hörpu var tekin í notkun.