Eric Lu leikur Mozart - Sinfón­íu­hjóm­sveit Íslands

EFNISSKRÁ
Bohuslav Martinu Tvíkonsert fyrir tvær strengjasveitir, píanó og pákur
Wolfgang Amadeus Mozart Píanókonsert nr. 27
Antonín Dvorák Sinfónía nr. 8

HLJÓMSVEITARSTJÓRI
Tomáš Hanus

EINLEIKARI
Eric Lu

Kínversk­bandaríski píanóleikarinn Eric Lu hefur á undanförnum árum skotist hátt upp á stjörnuhimin píanóheims­ins en árið 2018 bar hann sigur úr býtum í hinni virtu Leeds­píanókeppni, þá aðeins tvítugur. Lu hefur hlotið mikið lof gagnrýnenda fyrir dýpt og fágun í túlkun sinni, ekki síst í verkum Mozarts. Á þessum tónleikum leikur hann einmitt síðasta píanókonsertinn sem Mozart lauk við á ævinni, Píanókonsert nr. 27 í b­dúr, verk sem geislar af hlýju og mannskilningi. Hin tvö verkin á efnisskránni eru bæði ættuð úr Bæheimi, annað frá nítjándu öld og hitt frá þeirri tuttugustu. Í upphafi hljómar hinn kraftmikli og áleitni tvöfaldi konsert Bohuslavs Martinu fyrir tvær strengjasveitir, píanó og pákur, saminn á viðsjárverðum tímum í aðdraganda seinni heimsstyrjaldar. Tónleikunum lýkur á gerólíku verki, Sinfóníu nr. 8 eftir Antonín Dvorák, sem margir telja þá innilegustu og frumlegustu af níu sinfóníum hans, en verkið er uppfullt af hrífandi náttúrumyndum og fuglasöng.