Music, Sinfóníutónleikar

Tö­frar fortíðar - Sin­fóníuhljóms­veit Ís­lands

Get your ticket
Get your ticket
Get your ticket
Get your ticket
Get your ticket
Get your ticket
Get your ticket
Get your ticket
Get your ticket
Get your ticket
Get your ticket
Get your ticket
Get your ticket

Price

2.900 - 7.500 kr

Next event

Wednesday 3rd November - 20:00

Venue

Eldborg

Efnisskrá
John Dowland - If my Complaints Could Passions Move
Benjamin Britten - Lachrymae
Thomas Adés - Three Studies from Couperin
Maurice Ravel - La Valse

Hljómsveitarstjóri
Eva Ollikainen

Einleikari
Þórunn Ósk Marinósdóttir

Kynnir 
Halla Oddný Magnúsdóttir

Tónlist fortíðar getur orðið samtímanum innblástur með ýmsu móti. Nálgun tónskálda á 20. og 21. öld spannar allt frá háttvísum umritunum yfir í djarfa endursköpun – eða jafnvel kaldhæðna afbyggingu þar sem hriktir í gömlum stoðum.

Á þessum tónleikum verða leikin meistaraverk sem á einn eða annan hátt taka eldri tónlist sem útgangspunkt. Benjamin Britten samdi víóluverkið Lachrymae árið 1950 út frá sönglagi eftir John Dowland frá árinu 1597, og kallaði verk sitt „hugleiðingu“ um eldra lagið. Þórunn Ósk Marinósdóttir leikur einleikshlutverkið, en hún leiðir víóludeild Sinfóníuhljómsveitar Íslands og er meðlimur Strokkvartettsins Sigga sem hefur vakið verðskuldaða athygli á undanförnum árum.

Thomas Adès samdi Þrjár æfingar eftir Couperin árið 2006 og byggir á þremur hljómborðsþáttum eftir franska barokktónskáldið François Couperin. Einn gagnrýnandi lýsti útkomunni þannig að það sé sem Adès líti á tónlistina gegnum kviksjá, þar sem brot úr upprunalegu verkunum veltast um eins og glitrandi glerbrot. Þetta er tilvalin upphitun fyrir Íslandsheimsókn Adèsar, en hann er væntanlegur hingað til lands í nóvember og stjórnar þá píanókonserti sínum í túlkun Víkings Heiðars.

La valse eftir Maurice Ravel er eitt hans dáðasta hljómsveitarverk og ekki að ósekju. Í þessu magnaða verki líða hjá brot úr ljúfum Vínarvölsum en líka ágengari hendingar sem skapa aukna spennu með hverjum takti sem líður. Sumir heyra í La valse uppgjör Ravels við hið volduga austurríska keisaradæmi eftir hörmungar heimsstyrjaldarinnar fyrri, því að valstaktarnir verða í meðförum Ravels að eins konar skrumskælingu. Hvað sem því líður er tónverkið stórkostlegt og flutningur þess undir stjórn Evu Ollikainen er sannkallað tilhlökkunarefni.

Tónleikunum er einnig sjónvarpað beint á RÚV og eru þeir um klukkustundarlangir án hlés.

Heillandi umbreytingar á gamalli tónlist eftir tónskáld 20. og 21. aldar.


The ticket prices are as follows:

A

6.200 kr.

B

4.900 kr.

C

3.500 kr.

D

2.900 kr.

X

7.500 kr.