x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

ZHdK Strings og Ísak Ríkharðsson

Þessi viðburður er liðinn

ZHdK Strings er fjölþjóða strengjasveit skipuð 20 nemendum við Tónlistarháskólann í Zürich í Sviss.  Stofnandi hennar og stjórnandi er Prof. Rudolf Koelman, kennari við skólann, fyrrum konsertmeistari Concertgebouw hljómsveitarinnar í Amsterdam og einn af síðustu nemendum hins goðsagnakennda fiðluleikara Jascha Heifetz. Strengjasveitin hefur haldið fjölda tónleika í Sviss auk þess að hafa farið reglulega í tónleikaferðir til heimalanda nemenda, m.a. til Ítalíu, Tyrklands, Suður-Kóreu og Taílands. Á efnisskránni eru verk eftir Mozart, Debussy, Ravel, Jón Leifs og Grieg.

Einleikarar á tónleikunum eru Ísak Ríkharðsson og Cecilia Zacchi. Cecilia leikur einleik á hörpu í Danse Sacre et Profane eftir Debussy, hún lauk sólistaprófi frá Tónlistarháskólanum í Zürich á síðastliðnu ári.  Ísak leikur einleik á fiðlu í Tzigane eftir Ravel í eigin útsetningu fyrir fiðlu, hörpu og strengjasveit.  Þá eru píanóverk Jóns Leifs op. 2 einnig í útsetningu Ísaks fyrir strengjasveit eftir hlé.  Ísak hefur lokið BA og MA gráðum frá Tónlistarháskólanum í Zürich og byrjaði í meistaranámi við sólistadeild sama skóla nú í haust þar sem kennari hans er Rudolf Koelman.

  • Efnisskrá

    W.A. Mozart: Divertimento í F-Dúr K. 138
    C. Debussy: Danse Sacre et Profane L. 103 fyrir hörpu og strengi
    M. Ravel: Tzigane, Rapsodie de Concert í útsetningu fyrir fiðlu, hörpu og strengi

    – Hlé –

    Jón Leifs: Fjögur lög op. 2 fyrir píanó í útsetningu fyrir strengi
    E. Grieg: Frå Holbergs tid op. 40