x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Vinsælir sígildir ljóðasöngvar

Sígildir sunnudagar

Kristín R. Sigurðardóttir sópran og Arnhildur Valgarðsdóttir píanóleikari flytja þekkta sígilda rómantíska þýska ljóðasöngva eftir Franz Schubert, Richard Strauss og Gabriel Fauré. Kristín og Arnhildur hafa starfað saman um árabil og haldið saman tónleika bæði í Reykjavík og úti á landsbyggðinni.

Kristín Ragnhildur Sigurðardóttir lauk 8.stigs söngprófi frá Söngskólanum í Reykjavík 1993 með Ragnheiði Guðmundsdóttur sem aðalkennara. Síðan sótti hún óperusöngnám hjá Rina Malatrasi, á Ítalíu 1993-96. Hún lauk LRSM kennsluréttindanámi frá Söngskólanum í Reykjavík árið 2001 með Þuríði Pálsdóttur sem söngkennara. Hún starfaði sem söngkennari hjá Söngskóla Sigurðar Demetz í frá árinu 2000-2016 og sem sópransöngkona á Íslandi frá árinu 1999. Í dag kennir Kristín söng við Söngskólann í Reykjavík frá árinu 2017. Kristín hefur haldið marga einsöngstónleika vítt og breitt um Ísland, og sungið á fjölda óperutónleika, kirkjutónleika, kammer, ljóða, barrokk- og óratoríutónleika. Hún hefur einnig frumflutt tónlist eftir íslensk og erlend tónskáld,  komið fram sem einsöngvari td í Þýskalandi, Englandi, Færeyjum, Ungverjalandi, Kanada, North Dakota í Bandaríkjunum, Tékklandi and Austurríki. Hún hefur sungið nokkur óperuhlutverk ásamt Óperustúdíói Austurlands.

Arnhildur Valgarðsdóttir hóf sjö ára píanónám við Tónlistarskólann í Kópavogi en tveimur árum síðar við Tónlistarskólann á Akureyri. Þaðan lauk hún 8. stigi og starfaði um skeið við píanóleik, meðal annars hjá Leikfélagi Akureyrar. Þá lá leiðin til Royal Scottish Academy of Music and Drama en þaðan útskrifaðist Arnhildur árið 1995 með BA-gráðu og CPGS-diplómu í píanóleik með söng sem aukagrein. Arnhildur er mjög virk í íslensku tónlistarlífi og starfar bæði sjálfstætt sem píanóleikari og í samstarfi við hina ýmsu tónlistarmenn. Hún hefur komið fram á fjöldamörgum tónleikum innanlands og utan. Arnhildur lauk kirkjuorganistaprófi frá Tónskóla Þjóðkirkjunnar árið 2010 og er starfandi organisti og kórstjóri við Fella og hólakirkju. Auk þess að sinna þeim störfum hefur Arnhildur leikið mikið einleiksverk fyrir píanó eftir tónskáldið Leoš Janácek. Arnhildur er tónlistarmaður í stöðugri þróun og hefur nú útvíkkað svið sitt, hefur lagt stund á jazzpíanóleik og söngnám.

Tónleikarnir fara fram innan tónleikaraðarinnar Sígildir sunnudagar í Hörpu 2019 – 2020.

Dagskrá Sígildra sunnudaga veturinn 2019 – 2020

 

September 2019

08. 09. 2019 Ást og hatur 

15. 09. 2019 Alda tríó – Markverðar konur

29. 09. 2019 Kammermúsíkklúbburinn – Trio Nordica, Helga Þóra og Þórunn Ósk

Október 2019

06. 10. 2019 Camerarctica – Mozart aríur og Brahms

20. 10. 2019 Kammermúsíkklúbburinn – Einar, Þórunn Ósk og Anna Guðný

27. 10. 2019 Kammersveit Reykjavíkur – Þrír Frakkar og Schumann

Nóvember 2019

03. 11. 2019 Íslenskar dægurperlur með Ragnheiði Gröndal

10. 11. 2019 Velkomin heim – Sólveig Thoroddsen hörpuleikari

17. 11. 2019 Kammermúsíkklúbburinn – Camerarctica

24. 11. 2019 Sellósónötur – Geirþrúður Anna og Jane Ade

Desember 2019

08. 12. 2019 Jólatónleikar Kammersveitar Reykjavíkur

Janúar 2020

12. 01. 2020 Steinunn Vala og Hanna

19. 01. 2020 Kammermúsíkklúbburinn – Páll Palomares, Ólöf Sigursveinsdóttir, Bjarni Frímann

26. 01. 2020 Vinsælir sígildir ljóðasöngvar – Kristín R. Sigurðardóttir og Arnhildur Valgarðsdóttir

Febrúar 2020

02. 02. 2020 Barrokkbandið Brák

09. 02. 2020 Stirni Ensemble

16. 02. 2020 Tvíleikur – Hulda Jónsdóttir og Ragnar Jónsson

16. 02. 2020 Velkomin heim – Anna Sóley Ásmundsdóttir og ensemble

23. 02. 2020 Svítur og valsar úr austri og vestri

Mars 2020

01.03.2020 Cauda Collective: Ástarjátning

08. 03. 2020 Kammermúsíkklúbburinn – Strokkvartettinn Siggi

15. 03. 2020 Kammermúsíkklúbburinn – Weinberg & Shostakovich

22. 03. 2020 Velkomin heim – Björk Níelsdóttir og Matthildur Anna Gísladóttir

29. 03. 2020 Kammersveit Reykjavíkur – Beethoven í 250 ár

Apríl 2020

19. 04. 2020 Bach og börnin – 130 börn slá hjartans hörpustrengi

Maí 2020

03. 05. 2020 Velkomin heim – Þóra Kristín og Desirée Mori

10. 05. 2020 Strengjakvartettar – Ravel, Britten og Beethoven

24. 05. 2020 Barrokkbandið Brák – Franskar aríur og hirðtónlist