x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Vínartónleikar Sinfóníunnar 2019 – Sinfóníuhljómsveit Íslands

 

Vínartónleikar Sinfóníuhljómsveitar Íslands hafa um árabil verið allra vinsælustu tónleikar hljómsveitarinnar. Nokkur af djásnum valsakóngsins Johanns Strauss prýða efnisskrána sem hefst venju samkvæmt á forleiknum að Leðurblökunni og lýkur á Dónárvalsinum. Inn á milli heyrast meðal annars vinsælar óperettuaríur og dúettar, Heut’ nacht hab’ ich geträumt von dir eftir Kálman, sem hefur óvænt slegið í gegn á Íslandi á seinni árum við textann „Ég er kominn heim“. Af öðrum atriðum má nefna Kampavínsgalopp sem áhorfendur RÚV þekkja úr gamansömu tónlistarmyndbandi sem jafnan er sýnt á nýársnótt. Dansarar stíga einnig á svið og ljá tónleikunum einstakan hátíðarblæ.

Hrafnhildur Árnadóttir Hafstað stundaði framhaldsnám við Hollensku óperuakademíuna og hefur sungið við frábærar undirtektir bæði í Hollandi og hér heima. Sveinn Dúa Hjörleifsson er fastráðinn við Óperuna í Leipzig en var áður fastur söngvari við Óperuhúsið í Linz og söng þar fjölmörg helstu hlutverk óperubókmenntanna. Danski hljómsveitarstjórinn Christian Kluxen hefur stjórnað víða um heim og er fastagestur við Óperuhúsið í Kaupmannahöfn auk þess að vera aðalstjórnandi Sinfóníuhljómsveitarinnar í Victoria í Kanada.

 

HLJÓMSVEITARSTJÓRI
Christian Kluxen

 

 EINSÖNGVARAR
Hrafnhildur Árnadóttir Hafstað
Sveinn Dúa Hjörleifsson

Tónleikakynning í Hörpuhorni » 10. jan. kl. 18:00

 

  • Efnisskrá

    Óperettutónlist og valsar eftir Johann Strauss yngri, Franz Lehár, Emmerich Kálman og fleiri

Allar dagsetningar

  • janúar 2019
  • 10. jan 2019 – kl. 19:30–21:30
  • 11. jan 2019 – kl. 19:30–21:30
  • 12. jan 2019 – kl. 16–18
  • 12. jan 2019 – kl. 19:30–21:30