x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Víkingur spilar Bach – Útgáfutónleikar

- Af nýrri plötu Deutsche Grammophon

Vegna mikillar eftirspurnar hefur Víkingur Heiðar Ólafsson bætt við aukatónleikum sunnudaginn 14. október kl 20. Miðasala á aukatónleikana hefst á hádegi í dag, föstudaginn 21. september

 

Víkingur Heiðar Ólafsson fagnar útgáfu annars hljómdisks síns undir merkjum þýska útgáfurisans Deutsche Grammophon með glæsilegum útgáfutónleikum í Eldborg. Nýi diskurinn er helgaður verkum Johanns Sebastians Bachs og hefur að geyma stór og smá hljómborðsverk þessa meistara barokksins – verk sem búa yfir mikilli fegurð og dýpt, en einnig léttleika, húmor og virtúósískri spilagleði.

Víkingur leiðir tónleikagesti í gegnum verkin á nýja diskinum, en leikur Víkings á Bach hefur hlotið mikið lof gagnrýnenda bæði austan hafs og vestan. Þá leikur Víkingur tvær stórbrotnar píanósónötur Beethovens, þá fyrstu og þá síðustu. Verkin tvö ramma inn feril Beethovens sem píanótónskálds, en óhætt er að segja að fáir hafi haft jafn afdrifarík áhrif á þróun formsins og píanótónlistar yfirleitt en einmitt hann. Síðar í vetur leikur Víkingur svo sömu efnisskrá í Berlín á útgáfutónleikum sínum í tónleikaröð Berlínar-Fílharmóníunnar.

Uppselt var á síðustu útgáfutónleika Víkings í Eldborg í fyrra þegar tónskáldið Philip Glass var í brennidepli. Nú, rétt eins og þá, kynnir Víkingur verkin sjálfur af sviðinu og óhætt er að lofa einstöku
andrúmslofti.

Víkingur á netinu:
https://www.vikingurolafsson.com
https://www.facebook.com/vikingur.olafsson/
twitter @vikingurmusic
https://www.instagram.com/vikingurolafsson/

 

Allar dagsetningar

  • október 2018
  • 13. okt 2018 – kl. 20–22
  • 14. okt 2018 – kl. 20–22