x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Velkomin heim – Jazzarar!

"Eyjan" - MIMRA, kvartett Maríu Magnúsdóttur

Þessi viðburður er liðinn

Harpa kynnir sérstaka tónleika innan tónleikaraðarinnar Sígildir sunnudagar sem býður unga tónlistarmenn velkomna til tónleikahalds í Hörpu. Söngvarar, hljóðfæraleikarar og tónskáld sem lokið hafa námi erlendis fá hér tækifæri til að kynna sig og leyfa áhorfendum að njóta með sér. Hvort sem tónlistarmennirnir velja starfsvettvang sinn hér heima eða erlendis, gefst hér tækifæri til þess að kynnast ungu hæfileikafólki sem er í þann veginn að leggja undir sig heiminn og syngja og leika sig inn í hjörtu landsmanna. Tónleikarnir eru á sunnudögum kl 17 eða 20 og þó áhersla sé lögð á sígilda tónlist verður boðið til samstarfs ólíkra tónlistargeira og bæði hefðbundnar og óhefðbundnar efnisskrár.

Jazztónleikar Velkomin heim fara fram í Björtuloftum kl 20 og eru skipulagðir í samstarfi við FÍH.

Aðgangur er ókeypis og allir velkomnir!

________________

María Magnúsdóttir er ung söngkona og lagahöfundur sem nýlega flutti heim til Íslands að loknu mámi erlendis. Hún lauk Bachelor gráðu jazzsöng og tónsmíðum frá Konunglega tónlistarháskólanum í den Haag með og hlaut útskriftarverðlaun skólans, hélt svo til Englands í mastersnám í upptökutækni og tónsmíðum fyrir miðla við Goldsmiths University of London og lauk námi þaðan með láði vorið 2015. Hún starfar undir listamannsheitinu Mimra og leggur nú lokahönd á plötu sem kemur út á haustmánuðum þessa árs og ber heitið Sinking Island. Tónlist hennar er í alternative folk stíl, einlæg, vönduð og lætur engann ósnortinn. Í tónleikaröðinni ,,Velkomin heim” kemur María fram ásamt þeim Berki Hrafni Birgissyni á gítar, Róberti Þórhallssyni á bassa og Þorvaldi Þór Þorvaldssyni á trommur. Þau munu flytja lög af plötunni í bland við nokkur jazzskotin tökulög í nýjum búning.

Frekari upplýsingar um MIMRU má finna á www.mimramusic.com