x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Velkomin heim Jazz! – Mikael Máni

Mikael Máni Ásmundsson, gítar “Textar í gegnum tónlist”

Þessi viðburður er liðinn

Textar í gegnum tónlist eru fyrstu tónleikar á þriðja starfsári tónleikaraðarinnar Velkomin heim, innan Sígildra sunnudaga. Þeir fara fram í Björtuloftum og aðgangur er ókeypis.

Á tónleikunum Textar í gegnum tónlist flytur Mikael Máni Ásmundsson lög Bob Dylan fyrir sóló gítar. Hugmyndin af verkefninu er að túlka texta Dylans í gegnum hljóðfærið. Aðferðin sem Mikael notar við að spila lögin er blanda af skrifuðum útsetningnum og spuna. Í skrifuðu pörtunum er markmiðið að ná fram tilfinningunni í textanum en á meðan hann spilar melódíuna er textinn kjarninn í túlkuninni á verkinu og flutningurinn er innblásinn af honum. Á tónleikunum verður dreift bæklingi sem Lilja María Ásmundsdóttir hannaði með textunum af þeim 8 lögum sem Mikael flytur á tónleikunum. Tónleikagestir fá þannig að stýra upplifun sinni á tónlistinni og geta valið hvort þeir vilji bara hlusta eða hvort að þeir vilja lesa ljóðin sem Dylan skrifaði til að tengjast lögunum á annan hátt.

Gítarleikarinn Mikael Máni Ásmundsson lauk námi við einn virtasta tónlistarháskóla heims í jazz tónlist, Conservatorium van Amsterdam í júní 2018. Mikael lærði undir handleiðslu jazzgítarleikarans Jesse van Ruller sem er með þekktari og virtari jazzgítarleikurum Evrópu. Áður en hann flutti til Hollands stundaði hann nám við FÍH en hann útskrifaðist þaðan 18 ára gamall undir leiðsögn Hilmars Jenssonar og Sigurðar Flosasonar. Árið 2017, var frumraun Mikaels á sviði tónlistarútgáfu, og var platan “Beint heim” með dúettnum “Marína & Mikael” tilnefnd til Íslensku tónlistarverðlaunanna sem plata ársins í flokknum jazz & blús. Mikael tók nýlega upp sýna fyrstu plötu með frumsömdu efni. Platan sem ber heitið Bobby mun koma út árið 2019 en á henni spila Skúli Sverisson á bassa og Magnús Tryggvason Elíassen á trommur og víbrafón.Harpa kynnir sérstaka tónleika innan tónleikaraðarinnar Sígildir sunnudagar sem býður unga tónlistarmenn velkomna til tónleikahalds í Hörpu. Söngvarar, hljóðfæraleikarar og tónskáld sem lokið hafa námi erlendis fá hér tækifæri til að kynna sig og leyfa áhorfendum að njóta með sér. Hvort sem tónlistarmennirnir velja starfsvettvang sinn hér heima eða erlendis, gefst hér tækifæri til þess að kynnast ungu hæfileikafólki sem er í þann veginn að leggja undir sig heiminn og syngja og leika sig inn í hjörtu landsmanna. Tónleikarnir eru á sunnudögum kl 16 eða 20 og þó áhersla sé lögð á sígilda tónlist verður boðið til samstarfs ólíkra tónlistargeira og bæði hefðbundnar og óhefðbundnar efnisskrár.

Jazztónleikar Velkomin heim fara fram í Björtuloftum kl 20 og eru skipulagðir í samstarfi við FÍH.

Aðgangur er ókeypis og allir velkomnir!