x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Velkomin heim – Aríur og órar

Berta Dröfn Ómarsdóttir sópran og Sigurður Helgi Oddsson

Þessi viðburður er liðinn

Harpa kynnir sérstaka tónleika innan tónleikaraðarinnar Sígildir sunnudagar sem býður unga tónlistarmenn velkomna til tónleikahalds í Hörpu. Söngvarar, hljóðfæraleikarar og tónskáld sem lokið hafa námi erlendis fá hér tækifæri til að kynna sig og leyfa áhorfendum að njóta með sér. Hvort sem tónlistarmennirnir velja starfsvettvang sinn hér heima eða erlendis, gefst hér tækifæri til þess að kynnast ungu hæfileikafólki sem er í þann veginn að leggja undir sig heiminn og syngja og leika sig inn í hjörtu landsmanna. Tónleikarnir eru á sunnudögum kl. 17.00 og þó áhersla sé lögð á sígilda tónlist verður boðið til samstarfs ólíkra tónlistargeira og bæði hefðbundnar og óhefðbundnar efnisskrár.

Tónleikarnir fara fram í Hörpuhorni í opnu rými á annari hæð og eru skipulagðir í samstarfi við FÍH.

 

Aríur og órar eru síðustu tónleikarnir á öðru starfsári tónleikaraðarinnar Velkomin heim, innan Sígildra sunnudaga. Þeir fara fram í Hörpuhorni, opnu rými á annari hæð og aðgangur er ókeypis.

Berta Dröfn Ómarsdóttir sópran og Sigurður Helgi Oddsson píanóleikari flytja aríur og söngljóð um ást og gleði, ástríður og missi, eftir Donizetti, Händel, Humperdinck, Purcell og Tosti.

Berta Dröfn Ómarsdóttir hefur sungið í mörgum þekktustu tónleikahúsum heims, m.a. á Galatónleikum í Carnegie Hall í New York, sumarið 2017. Tónleikarnir voru hluti af sumarhátíð MOS, þar sem Berta söng í Töfraflautunni eftir Mozart. Hún hefur einnig sungið í Scala óperunni í Mílanó, í Hörpu í Reykjavík; í höll í Montepulciano í Toscana-héraðinu á Ítalíu, í kastala í litlu fjallaþorpi við ítölsku alpana, í óperuuppsetningum með sinfóníuhljómsveiti Bolzano borgar, og í Salnum í Kópavogi.
Berta útskrifaðist með hæstu einkunn eftir mastersnám í söng við Conservatorio Claudio Monteverdi í Bolzano á Ítalíu, árið 2016. Söngferill hennar hófst í barnakór Grindavíkurkirkju undir stjórn Siguróla Geirssyni og Vilborgu Sigurjónsdóttur, þar sem Berta fékk sín fyrstu tækifæri til að syngja einsöng. Á unglingsárunum söng hún með unglingakór hjá Esther Helgu Guðmundsdóttir og sótti einkatíma til hennar.
Með þennan grunn frá Grindavík fór Berta í Söngskólann í Reykjavík, og hefur verið þar meira og minna síðan, fyrst sem nemandi og síðar sem starfsmaður. Söngkennarar Bertu við skólann eru Elísabet F. Eiríksdóttir, Ólöf Kolbrún Harðardóttir og Viðar Gunnarsson. Berta hefur sótt einkatíma, masterklassa og námskeið víða, t.d. hjá David Jones, Janet Perry, Gemma Bertagnolli, Gerhild Romberger, Shirai Mitsuko og Jónu Fanneyju Svavarsdóttur.

Sigurður Helgi Oddsson lauk burtfararprófi í píanóleik frá Tónlistarskólanum á Akureyri. Frá 2008 til 2011 stundaði hann tónlistarnám í Berklee College of Music í Boston, Bandaríkjunum, og lauk þaðan B.Mus. gráðu í píanóleik, hljómsveitarstjórn og kvikmyndatónsmíðum. Hann hefur siðan þá starfað sem meðleikari, stjórnandi og kennari á hinum ýmsu sviðum tónlistargeirans.