x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Upptakturinn 2021

Þessi viðburður er liðinn

Upptakturinn slær taktinn á ný
Með Upptaktinum, tónsköpunarverðlaunum barna og ungmenna, er ungu fólki gefið tækifæri til að senda inn tónsmíð eða drög að henni og vinna markvisst úr hugmyndum sínum með fulltingi listamanna. Afrakstur þeirrar vinnu má sjá og heyra á tónleikum Upptaktsins í Hörpu þann 12. maí næstkomandi. Þar leika atvinnuhljóðfæraleikarar verkin á meðan ungmennin sitja á meðal áheyrenda.

Aðgangur að tónleikunum er ókeypis, en allir gestir verða að skrá sig og ná sér í miða. Opnað verður fyrir skráningu fljótlega.

Efnisskrá
Jana Gajic, 15 ára nemandi Hagaskóla: Niður lækjarins (úts.: Jón Sigurður Gunnarsson)
Elísabet Hauksdóttir, 12 ára nemandi Hamraskóla: Byrjun og endir (úts.: Einar Rafn Þórhallsson)
Telma Ósk Bergþórsdóttir, 15 ára nemandi Salaskóla: In My Head (úts.: Naomi Pinno)
Andrés Illugi Gunnarsson, 10 ára nemandi Vesturbæjarskóla: Dimm nótt (úts.: Þórbergur Bollason)
Emil Logi Heimisson, 14 ára nemandi Langholtsskóla: Mahonia (úts.: Þórbergur Bollason)
Ásta Sif Hinriksdóttir, 11 ára nemandi Laugarnesskóla: Um litla bróður (úts.: Einar Hugi Böðvarsson)
Inga Rós Suska Hauksdóttir, 15 ára nemandi Blönduskóla: Same day, same me (úts.: Naomi Pinno)
Peta Guðrún Hjartardóttir, 12 ára nemand Sæmundarskóla: Firefly (úts.: Thomas Davíð Stankiewicz)
Málfríður Inga Hjartardóttir, 11 ára nemandi Laugarnesskóla: Kötturinn sem dó (úts.: Einar Hugi Böðvarsson)
Þorbjörg Gróa Eggertsdóttir, 11 ára nemandi Kársnesskóla: Kóróna drepur (úts.: Thomas Davíð Stankiewicz)
Steinunn Dís Öfjörð Sævarsdóttir, 11 ára; Þórdís Emilía Aronsdóttir, 12 ára; Björney Anna Aronsdóttir, 10 ára nemendur Hlíðaskóla, Embla Karen Egilsdóttir Opp, 11 ára nemandi Melaskóla, Emilía Rut Kristjánsdóttir, 13 ára nemandi Ingunnarskóla, Sóldís Perla Marteinsdóttir, 12 ára nemandi Ártúnsskóla: Trahison (úts.: Stefanía Helga Sigurðardóttir)
Elísabet Mörk Ívarsdóttir, 15 ára nemandi Grunnskóla Fáskrúðsfjarðar: Úti (úts.: Stefanía Helga Sigurðardóttir)
Elvar Sindri Guðmundsson, 11 ára nemandi Salaskóla: Örlög (úts.: Einar Rafn Þórhallsson)

Öll verkin sem flutt verða á tónleikunum hljóta tónsköpunarverðlaunin: Upptakturinn 2021.

Facebooksíða Upptaktsins – Instagramsíða Upptaktsins

Upplýsingar
Nú blásum við til leiks, níunda árið í röð, og kynnum nýjan Upptakt 2021. Upptakturinn er samstarfsverkefni Hörpu, Barnamenningarhátíðar, Tónlistarborgin Reykjavík, RÚV og Listaháskóla Íslands. Upptakturinn er opinn ungmennum í 5.-10. bekk. Áhersla er lögð á að hvetja börn og ungmenni til að semja tónlist og styðja þau í fullvinnslu hugmyndar. Ungmennin sem komast áfram taka þátt í tónlistarsmiðju með nemendum Skapandi tónlistarmiðlunar við Listaháskóla Íslands, auk þess að vinna að útsetningum undir leiðsögn nemenda Tónsmíðadeildar. Að þessu ferli loknu höfum við eignast nýtt tónverk sem við getum flutt á tónleikum og varðveitt með upptöku.

Markmið Upptaktsins
Sköpun – að stuðla að tónsköpun ungs fólks og hvetja börn og ungmenni til að semja eigin tónlist.
Skráning – að aðstoða börn og ungmenni við að fullvinna hugmyndir sínar í vinnusmiðju og varðveita þannig tónlistina.
Flutningur – að gefa börnum og ungmennum tækifæri á að upplifa eigin tónlist í flutningi fagfólks við kjöraðstæður á tónleikum í Hörpu.

Reglur
Börnum og ungmönnum í 5.-10. bekk er heimilt að taka þátt í Upptaktinum og senda inn tónsmíð óháða tónlistarstíl.
Þau sem komast áfram taka þátt í vinnustofu með fagfólki.
Lengd tónverks skal vera 1-5 mínútur að hámarki, annaðhvort einleiks eða samleiksverk fyrir allt að 7 flytjendur.
Skila þarf tónsmíð inn í hefðbundinni eða grafískri nótnaskrift eða með upptöku.
Hugmyndir s.s. upptökur (mp3), nótur, texti eða grafísk lýsing sendist rafrænt á upptakturinn@gmail.com

Dómnefnd
Fagmenn sitja í dómnefnd og velja 12-13 verk úr innsendum hugmyndum.

Tónsmiðja
Valin verk verða fullunnin í tónsmiðju með tónskáldum og fagfólki í tónlist. Tónsmiðjan fer fram í Listaháskóla Íslands og Hörpu dagana 5.-15. mars 2021. Að því ferli loknu hafa orðið til ný tónverk.

Deila