x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Uppljómuð nótt – Sinfóníuhljómsveit Íslands

Föstudagsröðin

Strengjasveit Sinfóníuhljómsveitar Íslands er í sviðsljósinu á þessum tónleikum Föstudagsraðarinnar þar sem hljóma tvö meistaraverk frá fyrri hluta 20. aldar. Arnold Schönberg samdi meistaraverkið Verklärte Nacht á aðeins þremur vikum og byggði á samnefndu ljóði þar sem segir frá ungum elskendum á skógargöngu að kvöldlagi. Þetta glæsilega og tilfinningaþrungna verk er löngu komið í hóp helstu meistaraverka tónlistarinnar frá árunum í kringum aldamótin 1900. Í fyrstu fékk það þó dræmar viðtökur. Einn starfsbróðir Schönbergs sagði skömmu eftir að verkið varð til að það væri engu líkara en tónskáldið hefði „tekið handritið að Tristan og Ísold og klínt blekinu út um allt meðan það var enn blautt“.

Tónlist fyrir strengi, slagverk og selestu er lykilverk á ferli Béla Bartóks, samið árið 1936. Það hefur verið kallað „ein fullkomnasta tónsmíð sem Bartók samdi“ og sagt að það spanni allar þær mótsagnir sem gera list hans svo hrífandi: „það er frumstætt og fágað, villt og hamið, kyrrlátt og ógnvekjandi, alvarlegt og spaugilegt“. Bjarni Frímann Bjarnason hefur vakið mikla eftirtekt fyrir frábæra hljómsveitarstjórn bæði hjá Sinfóníunni og Íslensku óperunni, þar sem hann gegnir stöðu tónlistarstjóra. Á þessum tónleikum er hann á heimavelli í tónlist sem er honum einkar hjartfólgin.

Tónleikar Föstudagsraðarinnar í Norðurljósum taka um klukkustund og eru fullkominn upptaktur að skemmtilegri helgi.

EFNISSKRÁ
Arnold Schönberg Verklärte Nacht (Uppljómuð nótt)
Béla Bartók Tónlist fyrir strengi, slagverk og selestu

HLJÓMSVEITARSTJÓRI
Bjarni Frímann Bjarnason

Strengjasveit Sinfóníuhljómsveitar Íslands