x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Ungsveitin leikur Vorblót – Ungsveit SÍ

Þessi viðburður er liðinn

Vorblót Stravinskíjs er eitt dáðasta hljómsveitarverk 20. aldar. Tónlistin er kröftug og spennuþrungin enda er hér lýst fornri helgiathöfn þar sem valin er ein úr hópi ungra meyja til að dansa sig til dauða og tryggir þannig komu vorsins. Á þessum tónleikum mætir til leiks stærsti hópur sem leikið hefur undir merkjum Ungsveitar Sinfóníuhljómsveitar Íslands enda samdi Stravinskíj verk sitt fyrir risavaxna hljómsveit.

Rússneski hljómsveitarstjórinn Daniel Raiskin heldur um taumana en hann hefur margoft starfað með ungmennum að metnaðarfullum verkefnum.
Raiskin hefur tvívegis stjórnað Sinfóníuhljómsveit Íslands – á Ungum einleikurum og Norrænum músíkdögum 2016 – með afbragðs árangri. Eitt mikilvægasta hlutverk sinfóníuhljómsveita um allan heim er að miðla þekkingu sinni og áhuga til nýrra kynslóða hljóðfæraleikara. Frá árinu 2009 hafa tæplega hundrað ungmenni úr tónlistarskólum landsins safnast saman árlega undir merkjum

Ungsveitar Sinfóníuhljómsveitar Íslands og náð undraverðum árangri. Ungsveit Sinfóníuhljómsveitar Íslands var valin Bjartasta vonin á Íslensku tónlistarverðlaununum 2017.

  • Efnisskrá

    Ígor Stravinskíj Vorblót

    HLJÓMSVEITARSTJÓRI
    Daniel Raiskin