x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Ungsveitin leikur Níundu – Ungsveit Sinfóníuhljómsveitar Íslands

10 ára afmælistónleikar Ungsveitarinnar

Ungsveit Sinfóníuhljómsveitar Íslands hélt sína fyrstu tónleika haustið 2009 og hefur síðan verið meðal máttarstólpa hljómsveitarstarfs fyrir ungt tónlistarfólk hér á landi. Á hverju ári hafa tæplega hundrað ungmenni úr tónlistarskólum landsins safnast saman undir merkjum Ungsveitarinnar og náð undraverðum árangri. Ungsveit SÍ var valin Bjartasta vonin á Íslensku tónlistarverðlaununum 2017.

Í tilefni af tíu ára afmæli Ungsveitarinnar verður efnt til glæsilegra hátíðartónleika þar sem Níunda sinfónía Beethovens verður flutt með úrvalsliði ungra einsöngvara og æskukóra. Verkið markaði tímamót, þetta var síðasta sinfónía meistarans og um leið sú fyrsta í tónlistarsögunni þar sem notast var við söngvara. Áhrif hennar á þróun sinfóníunnar á 19. öld verða seint ofmetin. Það verður mikilfengleg sjón að sjá yfir 200 íslensk ungmenni taka höndum saman um að flytja þetta magnaða verk og ekki síst lokaþáttinn, sjálfan Óðinn til gleðinnar. Kórstjórar eru Hrafnhildur Blomsterberg, Hreiðar Ingi Þorsteinsson, Magnús Ragnarsson og Þorvaldur Örn Davíðsson.

Rússneski hljómsveitarstjórinn Daniel Raiskin heldur um taumana en hann hefur mikla reynslu við að starfa með ungmennum að metnaðarfullum verkefnum. Raiskin hefur tvívegis áður stjórnað Ungsveit Sinfóníuhljómsveitar Íslands og auk þess stjórnað Sinfóníuhljómsveit Íslands með afbragðs árangri.

EFNISSKRÁ
Ludwig van Beethoven Sinfónía nr. 9

HLJÓMSVEIT
Ungsveit Sinfóníuhljómsveitar Íslands

HLJÓMSVEITARSTJÓRI
Daniel Raiskin

EINSÖNGVARAR
Bryndís Guðjónsdóttir
Agnes Thorsteins
Alexander Jarl Þorsteinsson
Jóhann Kristinsson

KÓRAR
Flensborgarkórinn
Graduale Nobili
Kór Flensborgarskóla
Kór Menntaskólans við Hamrahlíð
Kór tónlistardeildar LHÍ
Söngsveitin Fílharmónía