x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Ungsveitin á Myrkum

Ungsveit Sinfóníuhljómsveitar Íslands

Þessi viðburður er liðinn

Bandaríska tónskáldið John Luther Adams hefur vakið mikla athygli undanfarin ár, ekki síst fyrir verk sem tengjast náttúru og náttúruvernd. Eitt þeirra er Sila: The Breath of the World, en í heimssýn Inúíta er Sila andinn sem glæðir allt lífi: sjálfur heimsandinn. Inúítar nota þetta orð yfir náttúruöflin en einnig yfir meðvitund – til dæmis meðvitund okkar um heiminn og meðvitund heimsins um okkur sjálf.

Verkið Sila er samið fyrir hóp flytjenda sem er dreift um stórt rými, áheyrendur geta gengið um og fundið sér þann stað sem þeim hentar best. „Þetta er tónlist sem andar“ segir tónskáldið; hver einasti flytjandi er einleikari sem flytur sína rödd á þeim hraða sem viðkomandi þykir fara best. Allir eru velkomnir að upplifa þetta magnaða tónverk sem Ungsveit Sinfóníuhljómsveitar Íslands og Kór tónlistardeildar LHÍ flytja í anddyri Hörpu undir leiðsögn Daníels Bjarnasonar.

Aðgangur er ókeypis og allir velkomnir. 

  • Efnisskrá

    John Luther Adams Sila: The Breath of the World

    HLJÓMSVEITARSTJÓRI
    Daníel Bjarnason

    FLYTJENDUR
    Ungsveit SÍ
    Kór tónlistardeildar LHÍ