x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Ung Nordisk Musik 2017

Ný norræn tónlist

Þessi viðburður er liðinn

Ungir tónsmiðir af Norðurlöndunum koma saman í Reykjavík 14. – 19. ágúst næstkomandi í tilefni af hinni árlegu tónlistarhátíð Ung Nordisk Musik. Yfirskrift hátíðinnar verður að þessu sinni Music and Space, en alls taka 35 tónskáld þátt í hátíðinni sem færist á milli Norðurlandanna á hverju ári. Sjö tónleikar verða haldnir yfir vikuna, auk tveggja fyrirlestra tónskáldanna Önnu Þorvaldsdóttur og Raviv Ganchrow.

Verkin á hátíðinni eru af ýmsum toga og má þar heyra tónlist sem ferðast inn og út fyrir öll möguleg tónlistarform. Meðal verkanna 35 sem má sjá og heyra verður innsetning fyrir uppmagnaðar ljósaperur, verk fyrir kór og rafhljóð og verk fyrir einleikara á þurrís.

Hátíðin sýnir þverskurð af því nýjasta sem er að gerast hjá ungum tónskáldum, og er hvert verk sérvalið af dómnefnd til þáttöku á hátíðinni. Tónskáldin sem voru valin til að taka þátt í ár fyrir Íslands hönd eru þau Sigrún Jónsdóttir (SiGRÚN), Pétur Eggertsson, Bára Gísladóttir, Finnur Karlsson, Sigurður Árni Jónsson, Ingibjörg Friðriksdóttir og Halldór Smárason. Tónleikar munu fara fram víðsvegar – í Hörpu, Fríkirkjunni, Norræna húsinu, Húrra, Skálholtskirkju og Listasafni Íslands.

Efnisskrá
Dante Thelestam: A Table of Chords, fyrir píanó
Mathias Monrad Møller: Album, fyrir píanó, teip og pappír
Sigurður Árni Jónsson: I am a Desk, fyrir píanó
Mioko Yokoyama: Game of Metal, fyrir píanó

Flytjendur
Tinna Þorsteinsdóttir, píanó
Mathias Monrad Møller, píanó
Mioko Yokoyama, píanó