x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Tortelier stjórnar Rakhmanínov – Sinfóníuhljómsveit Íslands

Þessi viðburður er liðinn

Tékkneski hornsnillingurinn Radek Baborak er einn fimasti einleikari heims á hljóðfæri sitt. Hann var aðeins 18 ára gamall þegar hann var ráðinn aðalhornleikari Fílharmóníuhljómsveitar Tékklands og hann gegndi einnig stöðu aðalhornleikara Berlínarfílharmóníunnar um sjö ára skeið. Frá árinu 2010 hefur hann helgað sig ferli einleikarans og kemur reglulega fram með tónlistarmönnum á borð við Daniel Barenboim og Seiji Ozawa. Hér leikur hann glæsilegan hornkonsert eftir Reinhold Gliére sem var kennari þeirra Prokofíevs og Katsjatúrjans.

Í tónlist Rakhmanínovs lifði andi síðrómantíkur langt fram á 20. öld. Kunnastur er hann fyrir tilfinningaþrungna píanótónlist sína en hljómsveitarverkin eru engu síðri. Sinfónískir dansar voru síðasta tónsmíðin sem Rakhmanínov lauk við fyrir andlát sitt, tilþrifamikið og meistaralega útsett verk þar sem hann sækir innblástur meðal annars í rússneskan kirkjusöng. Verk Þórðar Magnússonar er byggt á ljóði eftir Guðberg Bergsson og kallast auk þess á við lykilverk í íslenskri tónlistarsögu, Adagio eftir Jón Nordal, en verkin deila sömu hljóðfæraskipan.

  • Efnisskrá

    Þórður Magnússon Námur
    Reinhold Glière Hornkonsert
    Sergej Rakhmanínov Sinfónískir dansar

    HLJÓMSVEITARSTJÓRI
    Yan Pascal Tortelier

    EINLEIKARI
    Radek Baborak

    Tónleikakynning í Hörpuhorni » 18:00