x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Tónlistarhátíð Rásar 1

ORÐIN HLJÓÐ

Þessi viðburður er liðinn

ORÐIN HLJÓÐ er yfirskrift Tónlistarhátíðar Rásar 1 sem haldin verður í Norðurljósasal Hörpu laugardaginn 23. nóvember kl. 16 og verður útvarpað í beinni á Rás 1.

Þetta er í þriðja sinn sem hátíðin er haldin en listrænn stjórnandi hennar í ár er Daníel Bjarnason. Frumflutt verða fjögur verk sem sérstaklega voru pöntuð fyrir hátíðina og tengjast þema hennar, en tónskáldin völdu hvert sitt ljóðskáld til samvinnu. Verkin á tónleikunum eru afrakstur þessa samstarfs þar sem tónskáldin vinna með textann á ýmsan hátt og flétta hann við tónlist sína bæði sem söng og upplestur.

Tónskáldin og textaskáldin eru:
María Huld Markan Sigfúsdóttir og Kristín Eiríksdóttir
Páll Ragnar Pálsson
og Ásdís Sif Gunnarsdóttir
Ingibjörg Ýr Skarphéðinsdóttir
og Sigurbjörg Þrastardóttir
Kjartan Holm
og Jóhannes Ólafsson

Öll verkin verða flutt af Strokkvartettinum Sigga auk þess sem söngkonurnar Hildigunnur Einarsdóttir og Ingibjörg Fríða Helgadóttir koma fram. Milli verkanna á tónleikunum verða leikin viðtöl við tón- og textahöfundana auk þess sem leiknar eru stuttar útvarpshugleiðingar um samspil tónlistar og texta.

Hátíðin er haldin í samstarfi við Hörpu og er viðburður sem enginn unnandi samtímatónlistar eða útvarpsmiðilsins má láta fram hjá sér fara.

 

  • Efnisskrá

    Ingibjörg Ýr Skarphéðinsdóttir: Klakabrennur II
    Texti: Sigurbjörg Þrastardóttir
    Flytjendur: Strokkvartettinn Siggi og Hildigunnur Einarsdóttir söngkona

    Páll Ragnar Pálsson: Stefnumót við sjálfið
    Texti: Ásdís Sif Gunnarsdóttir
    Flytjendur: Strokkvartettinn Siggi og Ásdís Sif Gunnarsdóttir

    Kjartan Holm: Skrauthvörf
    Texti: Jóhannes Ólafsson
    Flytjendur: Strokkvartettinn Siggi og Ingibjörg Fríða Helgadóttir söngkona

    María Huld Markan Sigfússdóttir: Umfang
    Texti: Kristín Eiríksdóttir
    Flytjendur: Strokkvartettinn Siggi og Illugi Jökulsson

    Umsjón með útvarpsverkum hátíðarinnar er í höndum Guðna Tómassonar sem einnig er kynnir á tónleikunum.