x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Töfrar Austur-Evrópu

Sígildir sunnudagar

Roots Over the Seas – Classical Magic of Eastern Europe

Bernadett Hegyi, kóloratúr-sópran og Márton Wirth, píanó flétta saman fjölbreyttri og fallegri tónlist frá Austur-Evrópu. Á efnisskrá eru þjóðlög, aríur, einleiksverk, dúettar og tríó eftir tónskáld svo sem Dvorak, Strauss, Chopin, Liszt og  Rachmaninov.

Ungverska kóloratúr-sópransöngkonan Bernadett Hegyi er fædd í Búdapest. Hún nam söng í Ungverjalandi og síðar í Hollandi þaðan sem hún lauk mastersgráðu frá Konunglegu tónlistarakademíunni í Den Haag í Hollandi árið 2016.  Hún hefur að auki tekið þátt í meistaranámskeiðum hjá söngvurum á borð við Elly Ameling, Claron McFadden, Kenneth Mongomery og fleirum.

Hún hefur komið fram með Ungversku þjóðaróperunni og haldið tónleika í Þýskalandi, Hollandi, Noregi, Danmörku og á Íslandi en hún hefur verið búsett á Íslandi um nokkurra ára skeið og verið virkur tónlistarflytjandi.

Márton Wirth (1984) nam píanóleik frá sex ára aldri í Pécs og lagði síðar stund á tónsmíðar og kórstjórn við Konservatoríuna í Pécs. Hann lærði hljómseitarstjórn og tómnsmíðar við Tónlistarháskólana í Vínarborg og Búdapest á árunum 2002 – 2008.

Hann er stofnandi Kammeróperunnar í Pécs, hefur stjórnað kammerhljómsveitum í Györ og Budapest og kórum og hljómsveitum í Ungverjalandi, Austurríki, Slóvakíu og Póllandi. Hann hefur stjórnað átta kórum í þremur löndum og verið virkt tónskáld. Martón Wirth er búsettur á Íslandi, gegnir stöðu orgelleikara við Landakotskirkju og stjórnar Skátakórnum sem mun koma fram á tónleikum í Kaldalóni. Að auki mun sellóleikarinn Emma Petruska koma þar fram.

Sígildir sunnudagar 2020 – 2021

 

Deila