x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Tímaflakk í tónheimum – Sinfóníuhljómsveit Íslands

Litli tónsprotinn

Á fyrstu tónleikum Litla tónsprotans, fjölskylduröð Sinfóníuhljómsveitar Íslands, er tónleikagestum boðið í tímaflakk um tónheima þar sem Sinfóníuhljómsveitin staldrar við merk kennileiti á tímaási tónlistarsögunnar. Leiðsögumenn í þessum magnaða leiðangri um undraveröld tónlistarinnar eru Þuríður Blær Jóhannsdóttir og Guðmundur Felixson. Þau leiða hlustendur á öllum aldri á lifandi hátt um lendur og dali, klífa hæstu tinda og kanna dulúðugar sögusagnir um vatnaskrímsli og goðsagnir á þurru landi.

Á meðal þess sem hlustendur kynnast eru fjörmiklir dansar, tónlist úr Töfraflautunni, Óðurinn til gleðinnar og Lofsöngurinn ásamt skrímslatónlist frá Skotlandi þar sem Nimrod Ron túbuleikari er í aðalhlutverki ásamt nemendum frá Héraði sem myndskreyttu verkið. Auk þess heyrist fjörmikil tónlist úr Indiana Jones og glænýtt verk eftir verðlaunahafa Upptaktsins.

Bandaríski hljómsveitarstjórinn Michelle Merrill mundar tónsprotann en hún er þekkt fyrir störf sín með ungum hlustendum og hefur stýrt fjölmörgum menntaverkefnum og tónleikum Detroit-sinfóníuhljómsveitarinnar auk annarra hljómsveita í Norður-Ameríku.

TÓNLIST EFTIR
Monteverdi, Lully, Bach, Jón Leifs, Haydn, Mozart, Beethoven, Sveinbjörn Sveinbjörnsson, Mélanie Bonis, John Williams, Thea Musgrave og Láru Rún Eggertsdóttur

HLJÓMSVEITARSTJÓRI
Michelle Merrill

KYNNAR
Þuríður Blær Jóhannesdóttir
Guðmundur Felixson