x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Þyrnirós: St. Petersburg Festival Ballet / Sinfóníuhljómsveit Íslands

Upphafið að jólunum - fjölskylduviðburður

St. Petersburg Festival Ballet ásamt Sinfóníuhljómsveit Íslands vekja Þyrnirós, eina ástsælustu perlu ballettheimsins, til lífsins í Eldborg í nóvember. 

St. Petersburg Festival Ballet snýr á svið Hörpu fimmta árið í röð og dansar alls fjórar sýningar dagana 23.-25. nóvember við hljómsveitarleik Sinfóníuhljómsveitar Íslands. Ballettsýningar dansflokksins hafa fest sig í sessi á Íslandi og eru orðnar ómissandi partur af jólaundirbúningi meðal barna og fullorðna. Á sýningum St. Petersburg Festival Ballet í Hörpu frumsýnir ballettflokkurinn spánýja búninga og sviðsmynd sem hvergi hefur sést áður.

Sagan um hina fögru sofandi prinsessu og hinn hugrakka prins sem vekur hana upp með álagakossi er mönnum löngu kunn og hefur þessi tímalausa ástarsaga um sigur hins góða yfir hinu illa heillað áheyrendur. Þyrnirós er einn stórkostlegasti ballett hinna klassísku dansbókmennta, en tónskáldið Pyotr Tchaikovsky taldi sjálfur verkið sinn besta ballett.

Í konungsríki einu fæddist prinsessa að nafni Þyrnirós. Illa álfkonan Skaði lagði á hana þá bölvun að á sextánda afmælisdaginn myndi hún stinga sig á snældu og deyja. Góða álfkonan Gefjun kom til bjargar og breytti bölvuninni á þann veg að Þyrnirós, ásamt öllu konungsríkinu myndi falla í djúpan svefn í staðinn og vakna aðeins við sannan ástarkoss. Hundrað árum síðar hélt hinn hugrakki Filipus prins af stað og freistaði þess að rjúfa álögin.

Stórkostleg tónlist Tchaikovsky og hrífandi danshreyfingar Marius Petipa flytja áheyrendur um töfrum gæddan heim fullan af undrum og ævintýrum.

Harpa, í samstarfi við Sinfóníuhljómsveit Íslands, kynnir Þyrnirós með stolti.

Fyrir tilstilli Menningarbrúar milli Hörpu og Hofs, sem var reist í september 2015, verður ballettinn
Þyrnirós einnig sýndur í Hofi á Akureyri en þá ásamt Sinfóníuhljómsveit Norðurlands þann 26. og 27. nóvember.

Helmings afsláttur er af miðaverði fyrir börn 12 ára og yngri í fylgd með fullorðnum.

Stórfengleg tónlist Tchaikovsky flytur áheyrendur um töfrum gæddan heim.

Allar dagsetningar

  • nóvember 2017
  • 23. nóv 2017 – kl. 19:30–22
  • 24. nóv 2017 – kl. 19:30–22
  • 25. nóv 2017 – kl. 13–15:30
  • 25. nóv 2017 – kl. 17–19:30