Svítur og valsar úr austri og vestri

Svítur og valsar úr austri og vestri

Tríó Sírajón er skipað Einari Jóhannessyni á klarinett, Laufeyju Sigurðardóttur á fiðlu og Önnu Áslaugu Ragnarsdóttur á píanó.Tríóið hefur um árabil kannað og æft verk sem skrifuð hafa verið fyrir þessa fremur óvenjulegu hljóðfæraskipan.

Francis Poulenc
L’Invitation au chateau (1948)

Atli Heimir Sveinsson
Erinnerungen (2005)

Aram Khachaturian
Tríó fyrir fiðlu, klarinett og píanó (1932)

Alexander Arutiunian
Tríó fyrir fiðlu, klarinett og píanó

Dmitri Shostakovich
Smálög fyrir fiðlu, klarinett og píanó

Páll Pampichler Pálsson
Notturno III (1999)

Fyrir þessa dagskrá hafa þremenningarnir í Tríó Sírajón valið litrík verk sem mynda sterkar andstæður. Það er ekki annar samsvarandi hópur sem starfar að staðaldri hérlendis og því heyrast þessi verk ekki oft og sum hafa ekki verið flutt hér áður. Landfræðilega mynda verkin nokkurs konar þríhyrning: Ísland – Rússland – Frakkland.

Kostuleg leikhústónlist Poulencs er frumflutt hérlendis, og sama má segja um verk Atla Heimis, Erinnerungen – Minningar. Það er samið í minningu Ragnars Björnssonar kórstjóra, organista og tónskálds og þarf að heyrast.

Rússneski skólinn setur sterkan svip á efnisskrána með verkum eftir armensku tónskáldin Kachaturian (sem hingað kom og vann um skeið með nýstofnaðri Sinfóníuhljómsveit Íslands árið 1951 og lyfti Grettistaki) og Arutiunian en þeir hlutu sína skólun í Moskvu. Þar hittu þeir snillinginn frá St. Pétursborg, Shostakovich, sem sýnir hér á sér glettna hlið í smálögunum þremur.

Næturljóð Páls Pampichlers sendir okkur – og við honum – ljúfa og angurværa sólseturskveðju en hann býr nú í hárri elli í Austurríki og kveðjan minnir okkur á brautryðendastarf hans og annarra samlanda hans og framlag þeirra til íslensks tónlistarlífs í áratugi sem ekki má gleymast.

Tónleikarnir fara fram innan tónleikaraðarinnar Sígildir sunnudagar í Hörpu 2019 – 2020.

Dagskrá Sígildra sunnudaga veturinn 2019 – 2020

Dagskrá Sígildra sunnudaga veturinn 2019 – 2020

September 2019

Október 2019

Nóvember 2019

Desember 2019

Janúar 2020

Febrúar 2020

Mars 2020

Apríl 2020

Maí 2020