x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Svanavatnið

St. Petersburg Festival Ballet og Sinfóníuhljómsveit Íslands

Þessi viðburður er liðinn

Svanavatnið er einhver vinsælasti ballett allra tíma og telst til helstu verka klassíska ballettheimsins. Stórkostleg tónlist Tchaikovskys á mikinn þátt í því að ballettinn hefur haldið vinsældum sínum frá upphafi, en Bolshoi-ballettinn frumsýndi Svanavatnið 4. mars 1877 í Bolshoi-leikhúsinu í Moskvu. Þó ballettinn hafi gegnum tíðina verið settur upp í mörgum ólíkum útfærslum byggja flestir ballettdansflokkar bæði dans og tónlist sína á uppsetningunni frá 1895 eftir þá Marius Petipa og Lev Ivanov, sem frumsýnd var af Konunglega ballettinum þann 15. janúar 1895 í Mariinsky-leikhúsinu í St. Pétursborg.

Þessi vinsæli klassíski ballett segir söguna af prinsessunni Odette, sem illur galdramaður breytir í svan. Þegar Siegfried prins er á veiðum kemur hann auga óvenjulegan og undurfagran svan. Hann býst til að skjóta svaninn en þá breytist fuglinn í hina fögru Odette. Hún segir prinsinum að hún sé prinsessa sem illur galdramaður hafi hneppt í álög. Að degi til er hún í svansmynd og syndir á vatni sem myndast hefur úr tárum hennar. Að næturlagi er hún í mannsmynd. Eina leiðin til að létta álögunum af henni er að prins heiti henni eilífri ást og tryggð. Hún segir Siegfried prins að neiti hann henni verði hún svanur það sem eftir er ævinnar. Prinsinn verður ástfanginn af Odette, en illi galdramaðurinn leggur á hann álög þannig að hann biður í ógáti um hönd annarrar konu. Odette hótar að drepa sig og kastar sér í vatnið. Yfirkominn af sorg stekkur prinsinn á eftir henni. Elskendurnir sameinast að lokum eftir dauðann.

Tónlist eftir Pyotr Tchaikovsky
Danshöfundar: Marius Petipa og Lev Ivanov
Texti eftir Vladimir Begitchev og Vasiliy Geltzer
Sviðsmynd og búningar eftir Vyacheslav Okunev
Lýsing eftir Rainer Kornhuber
Tímalengd: tveir þættir (60 mínútur og 50 mínútur), hlé 20 mínútur

Dansarar:
Odette/ Odylle E. Bogutskaya / I. Khandazhevsaya
Siegfried prins A. Abaturov / N. Moskalets
Rotbart I. Kazakov
Hirðfíflið A. Bogutskiy / S. Dubrovin
Pas de trois J. Kichigina/A. Prokhorova / Ai Yanokawa / A.Tarasov

Allar dagsetningar

  • nóvember 2019
  • 21. nóv 2019 – kl. 19:30–22
  • 22. nóv 2019 – kl. 19:30–22
  • 23. nóv 2019 – kl. 14–16:30