x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Suðrænir tónar – Sinfóníuhljómsveit Íslands

Litrík og fjörug tónlist frá Spáni og Rómönsku Ameríku

EFNISSKRÁ
Isaac Albéniz Fjórir þættir úr Iberia (úts. F. Arbós)
Joaquín Rodrigo Concierto de Aranjuez
Mélanie Bonis Les Gitanos, spænskur vals
Alberto Ginastera Estancia, ballettsvíta
José Pablo Moncayo Huapango

HLJÓMSVEITARSTJÓRI
Carlos Miguel Prieto

EINLEIKARI
Rafael Aguirre

Tónleikakynning í Hörpuhorni kl. 18:00.

Suðræn stemning ríkir á þessum tónleikum enda er lífleg tónlist frá Spáni og Rómönsku Ameríku þar í forgrunni. Albéniz var eitt fremsta tónskáld Spánar í byrjun 20. aldar og gerði föðurland sitt ódauðlegt í glæsilegum píanóverkum, ekki síst hinu stórbrotna Iberia þar sem bæjum og borgum Spánar er lýst af mikilli hugkvæmni. Hér hljómar fjórir þættir verksins í glæsilegri hljómsveitarútsetningu. Einnig hljómar vinsælasti gítarkonsert allra tíma, innblásinn af konungshöllinni í Aranjuez skammt suður af Madríd.

Síðari hluti tónleikanna er helgaður verkum frá Argentínu og Mexíkó. Slagverkshlaðinn ballettinn Estancia hefur að geyma einhverja þá hressilegustu tónlist sem fest hefur verið á blað, og sama gildir um hið fjöruga Huapango eftir mexíkóska píanistann José Moncayo, byggt á líflegum þjóðdansi með sama nafni.

Hinn spænski Rafael Aguirre er einn fremsti gítarleikari heims. Hann hefur leikið konsert Rodrigos opinberlega allt frá 16 ára aldri, hefur hlotið fyrstu verðlaun í fjölda alþjóðlegra keppna og komið fram á tónleikum í 34 þjóðlöndum. Mexíkóski hljómsveitarstjórinn Carlos Miguel Prieto er einnig á heimavelli í þessari tónlist. Hann er fyrrum aðalstjórnandi Fílharmóníusveitarinnar í Mexíkóborg og árið 2019 kaus tímaritið Musical America hann stjórnanda ársins.

Nánar um tónleikana á vef hljómsveitarinnar.

Deila