Stirni Ensemble

Stirni Ensemble hélt sína fyrsta tónleika í ársbyrjun 2016 við góðar undirtektir. Kvartettinn er nokkuð óhefðbundinn að samsetningu en hann skipa Björk Níelsdóttir sópransöngkona, Hafdís Vigfúsdóttir flautuleikari, Grímur Helgason, klarinettuleikari og Svanur Vilbergsson gítarleikari. Hópurinn hefur getið af sér gott við tónleikahald á Íslandi og hefur komið fram á Myrkum Músíkdögum, Hljóðön og í Norðurljósasal Hörpu.

Ásamt því að stuðla að nýsköpun með nýrri og óvenjulegri samsetningu grúppunnar er markmiðið að frumflytja sem mest af nýrri tónlist, halda merkjum íslenskrar tónlistar á lofti hér heima og erlendis og gefa fólki innsýn í þá breidd sem hefur átt sér stað í tónsköpun síðustu áratuga víðs vegar um heiminn. Hópurinn nýtir líka þá möguleika að spila einleiksverk, dúó og tríó á víxl og auka þannig enn á fjölbreytileika í repertuarvali og flæði á tónleikum. Fókusinn er á tónlist 20. og 21. aldar. Á fyrstu tónleikum Stirnis var tónninn strax sleginn varðandi það að flétta saman ólíkum verkum í samhangandi flæði þannig að upplifunin verði meira eins og gjörningur eða ferðalag sem grípur þig og myndar eina heild frá fyrsta til síðasta tóns.

Tónleikarnir fara fram innan tónleikaraðarinnar Sígildir sunnudagar í Hörpu 2019 – 2020.

Dagskrá Sígildra sunnudaga veturinn 2019 – 2020

Dagskrá Sígildra sunnudaga veturinn 2019 – 2020

September 2019

Október 2019

Nóvember 2019

Desember 2019

Janúar 2020

Febrúar 2020

Mars 2020

Apríl 2020

Maí 2020