x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Sónötur fyrir selló og píanó

Sígildir sunnudagar

Geirþrúður Anna Guðmundsdóttir sellóleikari og Jane Ade píanóleikari hafa oft komið fram saman síðan þær voru samnemendur heima á Íslandi. Á þessum tónleikum leika þær þrjár kraftmiklar og fjörugar sónötur eftir Boccherini, Beethoven og Prokofiev auk hins undurfagra Adagio og Allegro eftir Schumann.

Boccherini Sónata nr. 17 í C-dúr er ein af fjölmörgum virtúósískum sónötum sem hann samdi fyrir sellóið. Fimmta sónata Beethovens fyrir selló og píanó einkennist af mikilli orku og ritmískum drifkrafti en einnig sýnir tónskáldið sína tregafyllstu hlið í millikaflanum. Schumann stillir upp svipuðum andstæðum í hinum ljúfsára Adagio kafla og hinu gáskafulla Allegroi. Hin magnaða Prokofiev Sónata fyrir selló og píanó í C-dúr lýkur efnisskránni á upplyftandi nótum, en verkið er eitt það stórbrotnasta sem samið hefur verið fyrir selló og píanó.