Sögustund með Maxa

Skráning, miðaafhending og frekari upplýsingar í miðasölu Hörpu s. 528-5050.
Athugið að fjöldi gesta er takmarkaður!

Maxímús Músíkús er án efa frægasta tónlistarmús Íslands og þó víðar væri leitað. Bækurnar um músina tónelsku hafa notið gífurlegra vinsælda meðal íslenskra barna og fara sigurför um heiminn, en þær eru fáanlegar í Þýskalandi, Færeyjum, Kóreu og á ensku um allan heim.

Á sögustundum Maxa verður ein bók lesin í hvert sinn, með myndsýningum á tjaldi í minnsta salnum í Hörpu, Kaldalóni.

Laugardaginn 7. sept: Maxímús Músíkús fer á fjöll (MM5),
Laugardaginn 28.sept: Maxímús Músíkús kætist í kór (MM4),
Sunnudaginn 27. okt: Maxímús Músíkús trítlar í tónlistarskólann (MM2) ásamt einleikurum og Hljómsveit Tónlistarskóla Hafnarfjarðar og Garðabæjar.
Laugardaginn 23. nóv: Maxímús Músíkús bjargar ballettinum (MM3)

Eftir áramót verða Sögustundir með Maxímús Músíkus 18. janúar, 15. febrúar, 28. mars, 18. apríl og 16. maí.

Sögumenn: Pétur Oddbergur Heimisson og Vala Guðnadóttir

Hallfríður Ólafsdóttir flautuleikari er höfundur tónlistarævintýranna um Maxímús Músíkús og Þórarinn Már Baldursson víóluleikari myndskreytir sögurnar. Hallfríður og Þórarinn eru bæði hljóðfæraleikarar í Sinfóníuhljómsveit Íslands.

Ævintýrið um Maxa hefur hlotið margvíslegar viðurkenningar og verðlaun og verið þýtt á fjölda tungumála. Verndari verkefnisins er Vladimir Ashkenazy, aðalheiðursstjórnandi Sinfóníuhljómsveitar Íslands.