x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Sögustund með Maxa

Maxímús í tali og tónum

Í sögustund með Maxa fáum við að fylgjast með tónlistarævintýrum hinnar ástsælu músar Maxímúsar Músíkúsar. Valur Freyr Einarsson og Almar Blær Sigurjónsson skiptast á að miðla sögum úr hinum vinsæla bókaflokki Hallfríðar Ólafsdóttur og Þórarins Más Baldurssonar við tónlistarundirleik og myndasýningu af tjaldi.

Ókeypis er á sögustundirnar en skráning og afhending miða fer fram í gegnum miðasölu Hörpu í síma 528-5050.

Sögustund með Maxa 2021

Laugardaginn 13. mars 2021
-skráning hefst hér þann 8. mars
Maxímús Músíkús bjargar ballettinum

Þegar Maxímús Músíkús kemur heim eftir hressandi morgungöngu eru komnir skemmtilegir gestir í tónlistarhúsið: stórir hópar af börnum sem dansa svo vel að Maxi verður forvitinn. Hvar ætli þau hafi lært svona vel að dansa?

Laugardaginn 27. mars 2021 – FELLUR NIÐUR
Maxímús Músíkús heimsækir hljómsveitina

Maxímús Músíkús heimsækir hljómsveitina er fjörug saga um litla mús sem villist inn í tónlistarhús. Þar er heil sinfóníuhljómsveit að hefja æfingu og músin Maxi þvælist fyrir fótum hljóðfæraleikaranna góða stund á meðan þeir stilla hljóðfærin sín og gera sig klára. Um leið lærir hann hvað hljóðfærin heita og hvers konar hljóð þau gefa frá sér.

Laugardaginn 22. maí
-skráning hefst hér þann 18. maí
Maxímús Músíkús fer á fjöll

Maxímús Músíkús verður steinhissa þegar tvær ókunnugar mýs spretta upp úr tösku erlends hljómsveitarstjóra. Viva og Moto eru spennt að sjá Ísland og Maxi er fljótur að grípa tækifærið þegar hann heyrir af fólki á leið í ferðalag. Saman eiga mýsnar ævintýralega daga á fjöllum.

Hallfríður Ólafsdóttir flautuleikari er höfundur tónlistarævintýranna um Maxímús Músíkús og Þórarinn Már Baldursson víóluleikari myndskreytir sögurnar. Hallfríður og Þórarinn voru bæði hljóðfæraleikarar í Sinfóníuhljómsveit Íslands.

Ævintýrið um Maxa hefur verið á dagskrá Sinfóníuhljómsveitar Íslands frá árinu 2008. Verkefnið hefur hlotið margvíslegar viðurkenningar og verðlaun og hafa bækurnir verið þýddar á fjölda tungumála og eru þekktar af börnum víða um heim. Verndari verkefnisins er Vladimir Ashkenazy, aðalheiðursstjórnandi Sinfóníuhljómsveitar Íslands.

Deila