x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Skoðunarferðir um Hörpu

Skoðunarferðir um Hörpu eru ógleymanlegar. Leiðsögumaður Hörpu sýnir þér inn í salina, segir þér allt um hönnunina, hinn einstaka glerhjúp Ólafs Elíassonar og allt hitt sem gerir Hörpu að því einstaka mannvirki sem hún er.

Skoðunarferðin tekur 30 mínútur og fer fram á ensku. Verð fyrir ferðina er 1.750 krónur og frítt er fyrir 16 ára og yngri. Námsmenn, eldri borgarar og öryrkjar greiða 1.500 krónur.

Tímasetningar
12. júlí til 25. ágúst eru skoðunarferðir á klukkutíma fresti alla daga milli 11:00 og 16:00 alla daga vikunnar. Hver keyptur miði gildir á eina ferð þann dag sem valinn er. Vinsamlegast athugið vel undantekningar og athugasemdir hér að neðan.

26. ágúst til 31. október eru tvær skoðunarferðir á dag, kl. 14:00 og 16:00 (nema í undantekningartilfellum þegar ekki eru nógu margir salir aðgengilegir til að geta boðið upp á ferðir). Á þessu tímabili er ekki tryggt að farið verði í Eldborg. Vinsamlegast leitið nánari upplýsinga um það í miðasölu stuttu fyrir ferð.

Tíðni ferða eftir 31. október verður tilkynnt síðar.

 

Undantekningar og athugasemdir varðandi opnanir í skoðunarferðum:

23. ágúst verður Eldborg ekki aðgengileg í ferðunum kl. 11:00, 12:00 og 13:00.
24. ágúst verða engar skoðunarferðir.

 

Aðgangur fyrir hreyfihamlaða
Skoðunarferðin er aðgengileg að öllu leyti fyrir viðskiptavini sem notast við hjólastól eða eiga erfitt með gang. Ef beðið er um með fyrirvara er hægt að fá lánaðan hjólastól úr miðasölu Hörpu.


Sérferðir
Hópar geta bókað sérferðir sem sniðnar eru að þeirra þörfum.
Bóka þarf sérferðir með fyrirvara á tours@harpa.is.

Fagferðir – Hópferð fyrir þá allra áhugasömustu
Fyrir hópa sem vilja ekki bara dást að útsýninu og glerhjúpnum. Hér er farið í smáatriðin, loftræstinguna, rafmagnstöflurnar, tæknirýmin og allar græjurnar sem halda starfseminni gangandi. Sigurður Einarsson, arkítekt, leiðir áhugasama í allan sannleik um raunverulega leyndardóma Hörpu.
Athugið að einungis eru bókaðar fagferðir fyrir hópa með fyrirvara á tours@harpa.is.