Skoðunarferð með Maxa

Skráning, miðaafhending og frekari upplýsingar í miðasölu Hörpu s. 528-5050.

Maxímús Músíkús fer ásamt Ingibjörgu Fríðu með börnum í ævintýraleiðangur um Hörpu og sýnir þeim hversu stórkostlegt húsið er. Þetta er skoðunarferð fyrir yngstu gesti Hörpu, í fylgd fullorðinna. Við förum um ýmsa sali, króka og kima Hörpu og veltum fyrir okkur hvort þeir séu ákjósanlegir staðir fyrir litla mús að búa á. Förum baksviðs og leitum að einhverju ótrúlega spennandi!

Ef við leggjum við hlustir gætum við heyrt stefið hans Maxa og það leitt okkur áfram um undraheima Hörpu!   Skoðunarferðin endar í Kaldalóni í sögustund með Maxa kl. 11:30.

Athugið að fjöldi þátttakenda er takmarkaður í hverja ferð! Barn þarf að vera í fylgd fullorðins (þó ekki fleiri en tveggja).

Hægt er að bóka miða í skoðunarferðina viku fyrir ferðina.